Johan 8:18 - Tedim Bible

¹⁸ Keimah in keima ading teci ka pang hi. A hong sawl Pa in keima a ding teci a pang hi,” ci-in a gen hi.

Tedim Bible Revision 2017

¹⁸ keima ading teci ka pang a, kei hong sawl Pa Pasian in zong keima adingin teci a pang hi,” ci-in a dawng hi.

Johan 8:18 Referans Kwoze

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Johan 8:38

Keimah in ka Pa kiangah ka muh bangin kong hilh hi. Note in zong na pa uh kiangah na zak bangun na gamta uh hi,” a ci hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Johan 10:9

Keimah in kongpi ka hi hi. Mi khat in kei tung tawnin a lut leh, gal tawh kipelh ding a, sungtum pusuakin an nek ding lonona mun a mu ding hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Johan 8:25

Tua ahih ciangin amaute in, “Nang kua na hi hiam?” ci-in a dot uh ciangin Zeisu in, “Keimah in a cil pek panin note kiangah kong gen bangin ka hi hi,

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 11:25

Zeisu in, “Keimah in thawhkikna leh nuntakna ka hi hi. Kei hong umte in a sih hangin a nungtakik ding hi.

Gamlak-vakna 35:30

Khatpeuh in mi khat a thah leh, tecite’ genna siksanin mi thatpa kithat ding hi; ahih hangin teci khat bek’ teci pan’na siksanin kuamah kithat lo ding hi.