Johan 7:43 - Tedim Bible

⁴³ Tua ahih ciangin, mihonpite lakah amah hangin thu kituak loin a kikhenthang uh hi.

Tedim Bible Revision 2017

⁴³ Tua ahih manin Jesu thu tawh kisai ah mihonteʼ lungsim kituak lo hi.

Johan 7:43 Referans Kwoze

Johan 10:19

Tua thu hangin Judah mite kithutuak loin a kikhenthang kik uh hi.

Johan 9:16

Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.

Johan 7:12

Mihonpite in ama hangin thu tampi kikum uh hi. Mi kimkhat in, “Amah mipha ahi hi,” ci uh a, mi kimkhat in, “Mipha ahi kei hi, mihonpite a kheempa ahi hi,” a ci uh hi.

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Luka 12:51

Leitungah kilemna pia dingin hong pai hi, ci-in na um uh hiam? Ahi kei hi. Kikhenna pia dingin hong pai ka hi hi.

Mattiu 10:35

A tapa leh a pa, tanu leh a nu, teeknu leh monu, khat leh khat kitawngsak dinga hong pai ka hi hi.