Johan 7:18 - Tedim Bible

¹⁸ Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

Tedim Bible Revision 2017

¹⁸ Amauʼ thu bek tawh thu a gente in amauʼ minthan nading a zong hi a, ahi zongin a hong sawl paʼ minthan nading a zong keimah in thuman thutak gen ka hih manin zuau thu kihel lo hi.

Johan 7:18 Referans Kwoze

Johan 5:41

Mite piak minthan’na ka sang kei hi.

1 THESALONIKA MASA 2:6

Tua tham loin, Khazih’ sawltak ka hi uh ahih ciangin vangik a suan thei mi ka hi uh napi-in, mite’ piak minthan’na note kiangah ahi zongin, midangte kiangah ahi zongin zong loin, note lakah dam damin ka sem uh hi.

Johan 12:28

Pa aw, na min na thangsak in,” a ci hi. Tua ciangin, vantung pan aw khat ging a, “Ka thangsak zo a, khatvei ka thangsak kik ding hi,” a ci hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Paunak 25:27

Khuaizu tamlua nek ding a hoih loh bangin, phat ding deih luatna in hoih lo hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi uh hiam? Topa’ mi khempeuh kamsang hi hen la, Topa in amau sungah ama lungsim guan leh ka cih lai tak hi!” a ci hi.

Johan 11:4

Zeisu in tua thu a zak ciangin, “Hih cinatna in sih nading natna ahi kei hi. Pasian’minthan’ nading leh Pasian’ Tapa’ minthan’na a kilah nading hi,” a ci hi.

Johan 8:54

Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

Johan 12:43

Bang hang hiam i cih leh, Pasian’ piak minthan’na sangin mite piak minthan’na a deih zaw uh hi.

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.