Johan 6:9 - Tedim Bible

⁹ “Hihsan takah khomun pum nga leh nganeu tawn nih a nei naupang khat a om hi. Ahih hangin mi hizah tak a tam lakah hih khomun leh ngasa nih in bang tham hi ding hiam?” a ci hi.

Tedim Bible Revision 2017

⁹ “Hih lai ah mangbuhham kibawl anlum nga le ngasa tawn nih sun-an a pua tangval khat om sam hi; tuate lah mihing hi zah lakah cihtaak ding ahi hiam?” ci hi.

Johan 6:9 Referans Kwoze

Luka 9:13

Zeisu in, “Amau nek ding an note’n na pia ding uh hi,” a ci hi. Amaute in “Kote in pai-in hih mi khempeuh ading an ka lei kei uh leh, khomun pum nga leh ngasa tawn nih longal bangmah ka nei kei uh hi,” a ci uh hi.

Marka 6:38

Zeisu in, “Khomun pum bangzah na nei uh hiam? Pai un la, va en un,” a ci hi. Amaute in a theih khit uh ciangin, “Khomun pum nga leh ngasa tawn nih a om hi,” ci-in a gen uh hi.

Mattiu 14:17

A nungzuite in, “Khomun pum nga leh ngasa tawn nih longal a dang nek ding bangmah ka nei kei uh hi,” a cih uh ciangin,

Late 78:19

Amaute in Pasian gensia uh a, “Pasian in gamlakah sabuai phah thei ding ahi hiam?

Mattiu 16:9

Khomun pum nga mi tul nga in a kham val seeng bangzah na khawm uh hiam?

Marka 8:19

Khomun pum nga mi tul nga ading ka balnen ciangin, a neng a them seeng bangzah na tawm uh hiam?” ci-in a dot ciangin, “Seeng sawm leh seeng nih,” a ci uh hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Late 147:14

Amah in na gam sungah kilemna bawl a, mangbuh hoihpente tawh nang hong dimsak hi.

Late 81:16

Mangbuh hoihpen tawh note kong vaak dinga, suangpi pan-a khuaizu tawh note kong gil vah sak ding hi.”

Thu-hilhkikna 8:8

mangbuh leh mangbuhham, leenggui leh thei kung leh mang kawlsing a omna leitang, oliv kungte leh khuaizu a omna leitang,

Mangmuhna 6:6

Tua lai takin, “Mangbuh pawta khatah hamu, tang pawta thumah hamu man hen. Sathau leh leenggahzute ahih leh, su kha kei in,” ci-in ganhing lite laizang pan mah bangin aw khat ka za hi.

Johan 11:32

Tua ahih ciangin, Mari in Zeisu omna munah tung a, Topa a muh ciangin a khe mai-ah bokin, “Topa aw, nang om lecin ka sanggampa a si kei ding hi,” a ci hi.

Johan 11:21

Martha in, “Topa aw, nang om lecin ka sanggampa a si kei ding hi.

Johan 6:7

Filip in, “Mi a vekpi-in themkha khat tek a ngah nadingun dangka zanih man khomun a cing kei ding hi,” ci-in a dawng hi.

Ezekiel 27:17

Judah leh Israel gam mite in zong na van leina-in mangbuh, oliv thau leh theipal, khuaizu leh singnamtui tuamtuamte hong pia uh hi.

Late 78:41

Amaute in amah ze-et kikkik uh a, Israelte’ Siangtho Pa phin uh hi.

2 KUMPI NIHNATE 7:1

Ahih hangin Elisha in, “Topa’ thu za in: Topa in hih bangin ci hi. Zing ciang tu bang hunin Samaria kulh kongpi ah annel lawh khat shekel khatin kizuak ding a, mangbuhham lawh nih ciangin shekel khatin kizuak ding hi,” a ci hi.

1 KUMPI MASATE 4:28

Amau’ nasep ciat tawh kizui-in a kisapna munah sakolte leh sakol zaptelte’ adingin mangbuhham leh buhtu zong paipih uh hi.

Thu-hilhkikna 32:14

Bawnghon panin bawngnawi thaukhal, tuuhon panin tuunawi, tuunote leh tuutalte’ thau tawh, Bashan bawng honte leh keelte, mangbuh hoihpente tawh leenggah tuisan na dawn uh hi.

Johan 6:11

Zeisu in khomun la a, hehpihna a phat khit ciangin a tute lakah a hawmsak hi. Tua mah bangin ngasa zong mite’ deih zahzahin a hawm uh hi.

Johan 21:9

Amaute leilak a tun’ uh ciangin mei-am leh a am tungah ngasa leh khomun kihanga om a mu uh hi.

Johan 21:10

Zeisu in, “Tu-a na mat uh ngasa kimkhat hong paipih un,” ci-in thu a pia hi.

Johan 21:13

Zeisu hong pai a, khomun leh ngasa a lak khit ciangin amaute a pia hi.