Johan 6:63 - Tedim Bible

⁶³ Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Tedim Bible Revision 2017

⁶³ Nuntakna a pia thei pen Pasianʼ Kha hi a, mihingteʼ hih theih bangmah om lo hi. Keima hong gen thute pen nuntakna a hong pia thei tua Kha thu ahi hi.

Johan 6:63 Referans Kwoze

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Galati 5:25

Eite in Kha Siangtho hangah nungta i hih leh, Kha Siangtho hangin gamta ni.

Late 119:93

Nangma thuhilhte ka mangngilh ngei kei ding hi; bang hang hiam cih leh tuate tawh nong nungta sak hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Late 119:50

Hih in ka thuakna-ah keima kihehnepna hi a, na thuciamna in kei, nuntakna hong pia hi.

Late 119:130

Nangma thute hon’khiatna in khuavaksak a, thu thei lote, thu theihtelna a guan hi.

Thu-hilhkikna 32:47

Bang hang hiam cih leh hih in note adingin a thuneu hi loin, note’ nuntakna hi a, a luah dingin Jordan gal khatah na paina gam sung uhah hih thu tawh sau veipi na hing ding uh hi,” a ci hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

ROM (Romans) 10:17

Tua ahih ciangin upna in thu zakna hangin a piang hi. Zakna in zong Khazih’ thu hangin a piang hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

ROM (Romans) 8:2

Bang hang hiam na cih uh leh, Khazih Zeisu hanga a om nuntakna’ Kha tawh kipawl thukham in mawhna leh sihna’ thukham sung pan kei hong honkhia zo hi.

Jeim 1:18

Ama pian’ sakte lakah eite in a gah masa bel i suah nadingin thuman thutak tawh ama deihna bangin eite hong piangsak hi.

Piancilna 2:7

Topa Pasian in leilak pan-a leivui tawh mihing bawl a, a nak sungah nuntakna hu sangsuk hi; mi in nuntakna a nei mihing hong suak pah hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

1 TIMOTI MASA 4:8

Bang hang hiam cih leh, pumpi ading kiseksakna in phattuamna tawmkha a pia thei hi; Pasian biakna lamah nopsakna in tu laitak nuntakna leh tu nung ciangin a piang ding nuntakna tawh kipawl thu kiciamna ngah a, na khempeuhah phattuamna hong pia thei hi,

Hebru 13:9

A tuam dangdang, a lamdangdang thuhilhna thak zui kei un. An nek hang hi lo, thupha hehpihna hangin lungkhauh a, na om uh leh, a pha hi. An nekna bek a ngaihsun mite in na manpha a ngah zo kei uh hi.

Galati 6:15

Bang hang hiam na cih uh leh, vunatna in phattuamna a om kei hi, vunat lohna in zong phattuamna a om kei hi: mi thak suahna bek in phattuamna a om hi.

ROM (Romans) 2:25

Pasian’ Thukham na zuih leh, vun atna hangin noptuamna a om hi. Ahi zongin Thukham na khialh leh, na vun atna in vun at lohna a suak kik hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Paunak 4:13

Hong kihilhnate lencip in la khahsuah kha kei in; na nuntak nading ahih manin lim takin zui in.

Johan 5:21

Pa in mi sisate a thosak, a hingsak kik mah bangin Tapa in zong ama deihte a hingsak thei hi.

Sawltak 5:20

“Note pai un la, biakna innpi sungah ding un la, hih Nuntakna thu mite kiangah va hilh un,” ci-in thu a pia hi.