Johan 6:31 - Tedim Bible

³¹ Vantung panin khomun a mau nek ding a pia hi ci-in Lai Siangtho sungah a kigelh bangin, i pute i pate in gampa lakah khomun a ne uh hi,” a ci uh hi.

Tedim Bible Revision 2017

³¹ Lai Siangtho sungah, ‘Amauteʼ nek dingin van panin an a pia hi,’ ci-in a kigelh mah bangin ka pu ka pate un gam sungah manna an ne uh hi,” a cih uh ciangin

Johan 6:31 Referans Kwoze

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

Late 105:40

Amaute in ngen a, amah in, vamimte leh vantung panin anlum tampi a pia hi.

Johan 6:49

Na pute na pate un gampa lakah khomun a ne uh a, a si uh hi.

Paikhiatna 16:35

Amaute' teen’ theih nading leitang a tun’ mateng, kum sawmli sung Israel mite in manna ne uh hi; amaute Kanaan gamgi a tun’ matengun manna ne uh hi.

Mangmuhna 2:17

Kha Siangtho in pawlpite a thupiakna bil nei mi in ngai ta hen. A zo mi a kiseel maana ahi zongin, a ngah mi sim loh kuamah in a thei zawh loh min thak kigelhna suangpak ahi zongin ka pia ding hi.’”

Nehemiah 9:20

Amaute a thuhilh dingin a hoih na Kha Siangtho na pia a, na manna an zong amaute kiang panin na la kik kei a, a dangtakna uh a phasak dingin tui na pia hi.

Thu-hilhkikna 8:3

Mite in an bek tawh nungta loin Topa’ kam sung panin a pusuak thu khempeuh tawh a nungta hi, ci-in note hong theihsak nadingin, amah in note hong niamkhiatin hong gilkial sak a, note hita leh na pu na pate uh hita leh in a theih ngei loh uh manna tawh hong vaak hi.

1 KORIN MASA 10:3

a vekpi-un kha an a nekhawm uh ahi zongin,

Johan 6:58

Hih khomun in vantung pan hong kumsuk khomun ahi hi. Pute pate in khomun ne-in a si uh bang hi loin, hih khomun a nete in a nungta tawntung ding uh hi,” a ci hi.

Joshua 5:12

Tua gam-a piang a nek ni uh a zing ciangin manna bei ta hi; Israel mite in manna nei nawn lo uh a, ahih hangin tua kumin Kanaan leitang-a piangte a ne uh hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.