Johan 5:44 - Tedim Bible

⁴⁴ Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Tedim Bible Revision 2017

⁴⁴ Pasianʼ pahtak theih nading hanciam nuam loin, note khatlekhat na kiphat theih nading uh a hanciam miteʼ thugen, a bang hangin um zawsop na hi uh hiam?

Johan 5:44 Referans Kwoze

Johan 12:43

Bang hang hiam i cih leh, Pasian’ piak minthan’na sangin mite piak minthan’na a deih zaw uh hi.

ROM (Romans) 2:29

A sung lam Judah mi in Judah mi ahi takpi hi. Vun atna in zong thukham Lai Siangtho thu bang hi lo, Kha Siangtho bangin lungsim tawh a kipawl hi. Tua banga vun at mite in mite kiangah phatna ngah loin, Pasian kiangah phatna a ngah uh hi.

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

ROM (Romans) 2:10

Amasa belin Judah mi, a nung ciangin Grik mi, a hoih a gamta mi khempeuh tungah minthan’na leh vangliatna leh nopnate a tung ding uh hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Luka 19:17

A topa in, ‘Thuman nasempa aw, a pha hi: Nang thu neute tungah diktat na hih maninah khuapi sawm na uk ding hi,’ ci-in a gen hi.

2 KHANG TANGTHU NIHNATE 6:8

Ahih hangin Topa in ka pa David tungah, ‘Na lungsimah keima min dingin inn khat lam ding na ngaihsun a, tua na ngaihsutna hoih mahmah hi;

Jeim 2:1

Ka u ka naute aw, a minthang Topa ahi i Topa Zeisu Khazih upna thu-ah mi maitang zahtak tuam nei kei un.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

2 KORIN NIHNA 10:18

Bang hang hiam na cih uh leh, amahmah a kiphat mi in san’ huai lo hi; Topa’ phatna a ngah mi in san’ ding a kilawm hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

Johan 3:20

A hoih lo-a gamta mi khempeuh in khuavak a mudah uh a; amau gamtatnate a kilat loh nadingin khuavakna-ah a pai kei uh hi.

Jeremiah 13:23

Ethiopia mivomte in a vun uh a khek thei uh hiam? Kamkei in a gial a khek thei hiam? A khek theih uh leh siatna bawl ding a zongsang khin note in zong hoihna na bawl thei ding uh hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai leh Israelte mai-ah kei hong pahtawi in la, Topa na Pasian ka biak theih nadingin kei tawh hong kileh kik in,” a ci hi.

Johan 5:41

Mite piak minthan’na ka sang kei hi.

1 THESALONIKA MASA 2:6

Tua tham loin, Khazih’ sawltak ka hi uh ahih ciangin vangik a suan thei mi ka hi uh napi-in, mite’ piak minthan’na note kiangah ahi zongin, midangte kiangah ahi zongin zong loin, note lakah dam damin ka sem uh hi.

1 TIMOTI MASA 1:17

A om tawntung Kumpipa ahi, a si thei lo, mit in a muh theih loh, khat bek a om Pasian in a tawntungin pahtawina leh minthan’na ngah ta hen. Amen.