Johan 5:41 - Tedim Bible

⁴¹ Mite piak minthan’na ka sang kei hi.

Tedim Bible Revision 2017

⁴¹ “Hih bangin kong gen ciangin mihingte in hong pahtak ding ka deihna hi lo a,

Johan 5:41 Referans Kwoze

Johan 7:18

Ama utthu bang a hihpa in ama minthan’na a zong hi. A hong sawlpa minthan’na a zong mi ahih leh, thuman thutak mi hi a, ama sungah diklohna a om kei hi.

1 THESALONIKA MASA 2:6

Tua tham loin, Khazih’ sawltak ka hi uh ahih ciangin vangik a suan thei mi ka hi uh napi-in, mite’ piak minthan’na note kiangah ahi zongin, midangte kiangah ahi zongin zong loin, note lakah dam damin ka sem uh hi.

Johan 8:50

Ahih hangin keimah in minthan’na ka zong kei hi. Ka minthan’ nading a zong thukhen ding khat a om hi.

Johan 5:34

Ahih hangin ka teci pan’na thu in mite’ teci pan’na ahi kei hi. Note in gupna na ngah nadingun hih thu teng kong gen hi.

Johan 8:54

Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

Johan 6:15

Tuate hong pai-in Topa kumpipa-a koih nadingin a hahbawl ding uh cih Zeisu in a theih ciangin, mual tungah amah guak a kahto kik hi.

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

2 PETER NIHNA 1:17

Bang hang hiam na cih uh leh, “Hihpa in ka lung hong damsak ka it ka Tapa hi,” ci-in Vanglian Bel sung pan tua Topa tungah aw khat hong tun’ ciangin, Pa Pasian kiang pan minthan’na leh liatna a ngah hi.

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.

Johan 5:40

Note in nuntakna na ngah nadingun ka kiangah nong pai kei uh hi.

Johan 5:42

Ahih hangin, Pasian itna lungsim na neih loh uh ke’n ka thei hi.

Johan 12:43

Bang hang hiam i cih leh, Pasian’ piak minthan’na sangin mite piak minthan’na a deih zaw uh hi.