Johan 5:39 - Tedim Bible

³⁹ Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Tedim Bible Revision 2017

³⁹ Nuntak tawntung ngah theih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Johan 5:39 Referans Kwoze

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Isaiah 34:16

Topa’ laizial sung panin zong un la sim un: Hih ganhingte khempeuh khat beek zong mangthang lo ding a, lawmsam khat zong om lo ding hi. Bang hang hiam cih leh Topa’ kam in thu pia khin zo a, amahmah in amaute kaikhawm ding hi.

Sawltak 13:27

Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.

Johan 5:46

Note in Moses’ thu na up uh leh, keima thu zong nong um ding uh hi. Bang hang hiam na cih uh leh, Moses in keima thu a gelh hi.

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

ROM (Romans) 3:2

A pawlpawl phattuamna tampi a om hi. A lianbel phattuamna ahih leh, amaute kiangah Pasian’ thu a kipia zo hi.

Marka 12:10

Inn lamte’n a nilkhiat suang in, A nung ciangin innkiu suang a piang hi.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

ROM (Romans) 1:2

Pasian in a Tapa thu nidang lai-inah kamsangte tungah Lai Siangtho sungah thukiciamna Lungdamna Thu hilh nadingin a teelsa sawltak a, hong koih, Khazih Zeisu’ nasem keimah Paul in

Sawltak 26:27

Kumpipa Agrippa aw, nang in kamsangte thu um na hi hiam? Na um cih ka thei hi,” a ci hi.

Johan 7:52

Amaute in, “Nang zong Galile mi na hi hiam? Galile gam sung pan kamsangpa a piang ngei hiam ci-in na zon’ leh piang ngei lo ci-in na thei ding hi,” a ci uh hi.

Johan 5:32

Kei ading teci pang ding mi khat a om hi. Kei adinga ama teci pan’na thu in aman hi ci-in ka thei hi.

Late 36:9

Bang hang hiam cih leh nuntakna tuinak nang tawh om a, na khuavak sungah kote in khuavak ka mu uh hi.

Thu-hilhkikna 18:18

Amau’ sanggamte lak panin nang tawh a kibang kamsang khat amaute adingin ka khangsak ding hi; ama kam sungah ka thute ka guan’ ding a, amah ka thupiak khempeuh amah in amaute tungah gen ding hi.

Thu-hilhkikna 18:15

“Topa na Pasian un note lak ahi na sanggamte lak panun note adingin kei tawh a kibang kamsang khat hong khangsak ding hi—note in ama thu na ngai ding uh hi—

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Late 119:11

Nang tungah kong khialh loh nadingin ka lungsim sungah nangma thu ka khol hi.

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

Luka 16:31

Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Paunak 6:23

Bang hang hiam cih leh thupiaknate in meivak hi a, hilhnate in a taang mahmah khuavak bang hi-in, khalna leh hilhnate in nuntak nading lampi hi a,

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Thu-hilhkikna 32:47

Bang hang hiam cih leh hih in note adingin a thuneu hi loin, note’ nuntakna hi a, a luah dingin Jordan gal khatah na paina gam sung uhah hih thu tawh sau veipi na hing ding uh hi,” a ci hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Luka 16:29

Abraham in, ‘Amaute in Moses leh Pasian’ kamsangte a nei uh hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Late 21:4

Nangma tung panin amah in nuntakna hong ngen a, ama tungah sau veipi nuntakna na pia hi.

Late 1:2

ama nopsakna in Topa’ thu sung bek mah hi a, sun leh zanin ama thu a ngaihsunsun mi ahi hi.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Hebru 11:35

Numeite in sihna pan thokikin amau misite a ngah kik uh hi. Kimkhat in a phazaw thawhkikna a ngah nadingun suahtakna sang loin nakpi satna a thuak uh hi.

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga thute khempeuh i zuih theih nadingin a hong lahkhiat thute, eite leh i suan i khakte’ zuih tawntung ding ahi hi.

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Johan 5:40

Note in nuntakna na ngah nadingun ka kiangah nong pai kei uh hi.

Marka 10:3

Zeisu in, “Moses in note tungah bang thu hong pia hiam?” ci-in a dong hi.