Johan 5:38 - Tedim Bible

³⁸ Ama thu in zong nomau sungah a om kei hi. Bang hang hiam na cih uh leh, a hong sawlpa no na um kei uh hi.

Johan 5:38 Referans Kwoze

1 JOHAN MASA 2:14

Pate aw, a cil pan a om mi na theih manunah note kiangah lai kong gelh hi. Tangvalte aw, na thakhauh uh a, note sungah Pasian’ thu om a, a gilopa na zo uh ahih ciangin note kiangah lai kong gelh hi.

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Late 119:11

Nang tungah kong khialh loh nadingin ka lungsim sungah nangma thu ka khol hi.

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.