Johan 5:36 - Tedim Bible

³⁶ Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Tedim Bible Revision 2017

³⁶ Ahi zongin Johanʼ teci panna sangin a lian zaw teci khat ka nei a, tua in: Ka Pa in sep dingin a hong piak tu-a ka sep thute in kei adingin teci a pang hi a, Pa in kei a hong sawl taktak ahihna hong kilangsak hi.

Johan 5:36 Referans Kwoze

Johan 10:25

Zeisu in, “Kong hilh khit hangin na um kei uh hi. Ka Pa’ min tawh ka bawl nalamdangte in ka teci ahi hi.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 2:23

Paisan pawi sung Jerusalem khua-ah a om lai takin, Zeisu in nalamdang a lahte mi tampi in a muh uh ciangin Zeisu a um uh hi.

1 JOHAN MASA 5:9

Mite teci pan’na eite in i man’ leh, Pasian’ teci pan’na a lianzaw hi. Bang hang hiam na cih uh leh, Paisan’ teci pan’na in a Tapa ading teci a pan’ zawhna thu ahi hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Mattiu 11:4

Zeisu in, “Note pai un la, na zaksa uh, na muhsa uh, Johan kiangah va gen un.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Johan 5:32

Kei ading teci pang ding mi khat a om hi. Kei adinga ama teci pan’na thu in aman hi ci-in ka thei hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Johan 11:37

Amaute lakah mi kimkhatte in, “Mittawpa khua a musak thei hih pa in hih mi zong a sih loh nadingin bawl thei lo ahi hiam?” a ci uh hi.

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.