Johan 5:35 - Tedim Bible

³⁵ Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Tedim Bible Revision 2017

³⁵ Johan pen meivak bangin kuangin a taang hi a, ama khuavak sungah tawl khat nuamsa-in om ding na ut uh hi.

Johan 5:35 Referans Kwoze

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Mattiu 11:11

Ke’n aman takpi kong cih-inah, numei sung pan a suakte lakah Baptaizpa Johan sanga lianzaw khat beek a om kei hi. Ahih hangin Vantung Gam sungah a neupen in tuapa sangin a lianzaw hi.

Johan 6:66

Tua-a kipanin ama nungzui tampite in Zeisu tawh kipawl nawn loin a kihei kik uh hi.

Luka 7:28

Ke’n kong cih-inah, numei sung pan a suakte lakah Johan sangin a lianzaw khat beek a om kei hi. Ahih hangin, Vantung Gam sungah mi neupen in tuapa sangin a lianzaw hi,” a ci hi.

Marka 6:20

Bang hang hiam i cih leh, Johan in mi thuman, mi siangthopa ahih Herod in thei ahih ciangin, Johan kihta a, amah a kem hi. Amah in Johan thu a zak ciangin lungmang a, lungdamna tawh ama thu a ngai hi.

Mattiu 21:26

“Mi tung pan hong piang hi,’ ci leeng, mite i kihta hi. Bang hang hiam i cih leh mi khempeuh in Johan kamsangpa a sa uh hi,” ci-in khat leh khat a kikup khit uh ciangin,

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

2 SAMUEL NIHNA 21:17

Ahih hangin amah huh dingin Zeru-iah’ tapa Abishai hong pai a, Filistiapa simin amah that hi. Tua ciangin David mite in amah kunhin, “Galdo dingin ko tawh nong kuankhia nawn kei ding hi, tua hi kei leh Israel mite’ muan’ leh suan’pa kong taan kha ding uh hi,” a ci hi.

Daniel 12:3

A pilte ahih uh leh vantung khuavak tawh a taang khawm ding uh hi. A pha-a a gamtat nading uh mi tampi thu a hilhte in aksi bangin a taang tawntung ding uh hi.

Marka 1:5

Jerusalem khuapihte akipan Judah gamah a om mi khempeuhte in ama kiangah va pai uh a, amau mawhna pulakin ama khut tungah, Jordan gun sungah a kibaptaiz uh hi.

Paikhiatna 34:35

Israel mite in Moses’ maitang, vun a taang mu uh hi; amah tawh kiho dingin a pai matengin Moses in kiliahna puan tawh a maitang khuhkik hi.