Johan 5:21 - Tedim Bible

²¹ Pa in mi sisate a thosak, a hingsak kik mah bangin Tapa in zong ama deihte a hingsak thei hi.

Tedim Bible Revision 2017

²¹ Pa in mi si sate nangawn thosakin a nuntaksak mah bangin Tapa in zong a ut peuhpeuh nungtasak thei hi.

Johan 5:21 Referans Kwoze

ROM (Romans) 8:11

Zeisu a thokiksak Pasian’ Kha Siangtho in note sungah a om leh, Khazih Zeisu a thokik sakpa in, note sungah a teeng a Kha Siangtho hangin, a si thei na pumpi uh zong hin’na a pia ding hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Johan 11:25

Zeisu in, “Keimah in thawhkikna leh nuntakna ka hi hi. Kei hong umte in a sih hangin a nungtakik ding hi.

Sawltak 26:8

Pasian in misite a thokiksak ding hi cih thu up theih ding hilo hi ci-in bang hangin ngaihsun na hi uh hiam?

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

2 KUMPI NIHNATE 5:7

Israel kumpipa in a laikhak a sim ciangin amah in a puante balkekin, “Mi khat a phakna damsak dingin hih mipa in kei tungah hih thu hong puak nadingin a that ding leh a nungtasak dingin keimah in Pasian ka hi hiam? Ngaihsun dih un la, kei tawh kitot nading a zon’na thei un,” a ci hi.

1 KUMPI MASATE 17:21

Tua ciangin naupang tungah amah thum vei kikhuangin Topa tungah kiko a, “Topa ka Pasian aw, hih naupang’ nuntakna ama sungah hong ciahkiksak in,” a ci hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.