Johan 4:6 - Tedim Bible

⁶ Tua munah Jakob’ tuikhuk a om hi. Tua ahih ciangin, Zeisu a lam paina gim ahih ciangin tuikhuk gei-ah a tu hi. Tua hun in sun laitak ahi hi.

Tedim Bible Revision 2017

⁶ Tua lo sungah tuikhuk khat om a, a khualzinna-in Jesu gim ahih manin a tuikhuk gei ah a tu hi. Tua hun pen sunkim laitak ahi hi.

Johan 4:6 Referans Kwoze

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Mattiu 8:24

Huih nakpi nung a, tui kilok-in gunkuang a pap hi. Zeisu a ihmu hi.

Mattiu 27:45

Sun laitak nai sawm leh nai nih pan a kipan, nai thum dongin leitung khempeuhah khua mial hi.

Mattiu 4:2

Zeisu in ni sawmli leh zan sawmli an a tan’ khit ciangin a gilkial hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Johan 11:9

Zeisu in, “Nisuah leh nitum kikal nai sawm leh nai nih pha hilo ahi hiam? Mi khat in sun lai takin a pai leh, leitung khuavak a muh maninah a kipuk thei kei ding hi.

Luka 9:58

Zeisu in, “Ngiate in kua a nei uh hi. Vasate in zong bu a nei uh hi. Ahih hangin, Mihing Tapa ahih leh, a lutang ngak nading mun a nei kei hi,” a ci hi.

Luka 2:7

a ta cil suak a, puanin a tun khit ciangin zin tun’na innah omna ding om lo ahih ciangin, bawng ankuang sungah naungeek a sial hi.

Johan 4:5

Jakob in a tapa Josef a piak lo cing khat tawh kinai, Samaria gam Saikhar kici khua-ah a tung hi.

Johan 4:7

Samaria numei khat in tuitawi dingin hong pai ciangin Zeisu in, “Ka dawn ding tui hong pia in,” ci-in a ngen hi.

Johan 4:12

Hih tuikhuk hong piapa leh, amah akipan a tate leh a ganhingte in a dawn uh i pu Jakob sangin na lianzaw hiam?” ci-in a dawng hi.