Johan 4:34 - Tedim Bible

³⁴ Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Tedim Bible Revision 2017

³⁴ Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 4:34 Referans Kwoze

Johan 6:38

Bang hang hiam na cih uh leh, keima deih bangin gamta dingin vantung pan hong kumsuk ka hi kei hi; kei hong sawlpa’ deihna bang gamta dingin hong kumsuk ka hi hi.

Johan 5:30

“Keimah in ka ut bangin ka hih thei kei hi. Ka zak bangin thu ka khen hi. Ka thukhenna in thu taktak ahi hi. Bang hang hiam na cih uh leh, keima deihna bang hi loin, kei hong sawlpa’ deihna bangin ka hih hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin, ama deihna ka zui hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Johan 19:30

Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 4:32

Zeisu in, “Note theih loh an nek ding ka nei hi,” a ci hi.

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Johan 6:33

Pasian’ khomun in vantung pan hong paisuk a, leitung mite nuntakna a pia khomun ahi hi,” a cih leh,

Mattiu 3:15

Zeisu in, “A dik thu khempeuh i zuih ding a kilawm ahih ciangin tu-in thu hong mang in,” a ci hi. Tua ciangin Johan in a mang hi.

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.

Johan 8:29

Kei hong sawlpa in kei tawh a omkhawm hi. Amah in kei hong nusia kei ding hi. Bang hang hiam na cih uh leh, ama deihna bangin ka hih tawntung hi,” a ci hi.

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Mattiu 9:19

Zeisu ding a, a nungzuite tawh tua pa nung a zuikhawm uh hi.