Johan 3:8 - Tedim Bible

⁸ Huih in ama ut bangin a nung hi. Tua huih ging na zak hangin koi pan hong pai a, koilam pai ding cih na thei kei hi. Kha Siangtho tawh a suakte khempeuh in tua bang ahi uh hi,” a ci hi.

Tedim Bible Revision 2017

⁸ Huih zong a utna peuhpeuh ah nung a, a huging na zak theih hangin koi lam panin hong nung a, koi lamah nung ahi hiam, cih na mu thei kei hi. Kha tawh a suak mite zong tua mah bang ahi hi,” ci-in a dawng hi.

Johan 3:8 Referans Kwoze

1 KORIN MASA 2:11

Mi sungah a om kha longal mi khatpeuh tawh kipawl lungsimte kua in a theithei ding hiam? Tua mah bangin Pasian’ Kha Siangtho longal Pasian’ nate a thei kuamah a om kei hi.

Sawltak 2:2

Tua lai takin huihpi nung bangin vantung panin awging khat thakhatin hong suak a, amau tutna inn a dim sak hi.

Ezekiel 37:9

Tua ciangin amah in kei kiangah, “Ezekiel aw, huihte tungah thu gen in la, hih a sisa pumpite sungah hu sangin a hingkik sak dingin mun khempeuh panin hong pai un, ci-in Topa Pasian in thu hong pia hi, ci-in gen in,” hong ci hi.

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

1 KORIN MASA 12:11

Hih thu khempeuh Kha Siangtho khat bek in bawl a, ama deihna bangin mikim tungah a hawmsak hi.

Johan 1:13

Tua tate in si leh sa tawh suak ahi kei uh hi; mihing’ deihna bangin a suak kei uh hi, Pasian’ deihna bangin a suak uh hi.

Late 107:29

Amah in huihpi dai sak a tuipi hualte a bei hi.

Late 107:25

Bang hang hiam cih leh amah in thupia a, tuipi hualte piangsaka, huihpi nungsak hi.

Late 135:7

Amah in leimong panin meiipi kai sakin, guahzuk nadingin khuaphialepte bawl a, ama saalte panin huih pusuak sak hi.

Thuhilh-sia 1:6

Leitaw lam-ah huih nungin, leilu lam-ah nung leuleu a, a zuihna ngei teng mah zui-in, nungnung niloh hi.

Johan 3:7

Khatvei na suakkik ding hi ka cihna lamdang sa kei in.

Johan 3:9

Nikodemas in, “Hih thute bangci piang zo ding ahi hiam?” ci-in a dot ciangin;