Johan 3:35 - Tedim Bible

³⁵ Pasian in a Tapa it a, na khempeuh ama khut sungah a pia zo hi.

Tedim Bible Revision 2017

³⁵ Pa in Tapa it ahih manin ama khut sungah na khempeuh a pia hi.

Johan 3:35 Referans Kwoze

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Johan 5:22

Mi khempeuh in Pa a zahtak bangin Tapa zong a zahtak nadingin, Pa in kuamah thu a khen kei hi.

Johan 5:20

Bang hang hiam na cih uh leh, Pa in Ta it a, a hihna khempeuh Tapa a musak hi. Note in lamdang nasak nadingun hih sangin a lianzaw nate Tapa a musak ding hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

1 KORIN MASA 15:27

“Na khempeuh ama khe nuai-ah a khia hi,” ci-in Lai Siangtho sungah a kigelh hi. Ahih hangin, “Na khempeuh a khia hi,” a cih ciangin na khempeuh Khazih’ nuai-ah a khiatsakpa Pasian a om lai hi cih a kilang hi.

Late 2:8

Keima tungah hong ngen in; nangma luah dingin minamte ka bawl ding a, leimong dongin nangma neihsa ka hisak ding hi.

Johan 17:26

Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Johan 15:9

Pa in kei hong it bangin no kong it hi; ka itna sungah om un.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Paunak 8:30

Na geel siampa bangin amah tawh kikhawlin, keimah in ni simin ama lungdamna ka hi a, ama kiangah om nuam sa-in,

Piancilna 41:55

Izipt gam khempeuh a kial ciangin, an ngenin mite Faro' tungah kiko uh hi; Faro in Izipt mite khempeuh' tungah, “Josef kiangah pai un; note tunga ama' hong cih bangin gamta un,” ci hi.

Piancilna 41:44

Tua tham loin Faro in Josef' kiangah, “Keimah in Faro ka hi hi, nangma' thukim lohin Izipt leitang tung khempeuhah kuamah in a khut a khe nangawn uh liik lo ding uh hi,” ci hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.