Johan 3:28 - Tedim Bible

²⁸ Keimah in Khazih ka hi kei hi. Khazih mai-ah hong paipa ka hi hi ke’n kong ci zo a, note zong ka teci na hi uh hi.

Tedim Bible Revision 2017

²⁸ Kei pen Khris ka hi kei a, ama mai ah a hong kisawl pa ka hi lel hi, ci-in ka genna thu note mahmah in na zak sa uh ahi hi.

Johan 3:28 Referans Kwoze

Johan 1:20

Johan in tua a teci pan’na im loin, “Kei in Khazih ka hi kei hi,” ci-in tel takin a gen hi.

Johan 1:23

Johan in, “Kamsangpa Isaiah in a gen bangin, ‘Topa paina lam na tangsak in,’ ci-in gampa lakah a kiko aw ka hi hi,” a ci hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Mattiu 3:3

Pasian in kamsangpa Isaiah tungah a hilh ngei bangin: “Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” a cihna in tua mipa a cihnopna hi.

Johan 1:25

Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Johan 1:27

Ama khedap khau phel ding nangawnin ka kilawm kei hi,” a ci kik hi.