Johan 3:11 - Tedim Bible

¹¹ Ke’n aman takpi kong cih-inah, kote in ka theih uh thu ka gen uh hi. Ka muhte uh teci ka pang uh hi. Ahih hangin kote’ teci pan’na na mang kei uh hi.

Tedim Bible Revision 2017

¹¹ A mantakin kong genin ah, kote in ka theih sa uh thu bek genin, ka muh sa uh thu bek teci a pang ka hi uh a, ahi zongin note kuamah in ka thugente uh nong um nuam kei uh hi.

Johan 3:11 Referans Kwoze

Johan 8:38

Keimah in ka Pa kiangah ka muh bangin kong hilh hi. Note in zong na pa uh kiangah na zak bangun na gamta uh hi,” a ci hi.

Johan 14:24

Kei hong it lo mi in ka thu a zui kei hi. Note zak thute in kei thu hi lo kei hong sawl Pa’ thu ahi hi.”

Johan 12:49

Bang hang hiam na cih uh leh, ka ut bangin ka gen kei hi, kei hong sawl Pa kiang panin bangci gen ding, bangci hilh ding ci-in thupiakna ka ngah hi.

Johan 8:14

Zeisu in, “Keimah in kei ading teci ka pan’ hangin ka teci pan’na a man hi. Bang hang hiam na cih uh leh, keimah in koi lam pan hong pai a, koi lamah ka pai ding cih ka thei hi. Note in ahih leh, koi lam pan hong pai a, koi lamah ka pai ding cih na thei kei uh hi.

Johan 7:16

Tua ciangin Zeisu in, “Ka thuhilhna in keima thu ahi kei hi; kei hong sawlpa’ thu ahi hi.

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Sawltak 22:18

‘Nang thakhatin Jerusalem khua pan a manlangin na paikhia in. Bang hang hiam na cih leh, keima thu na genna amaute in hong sang kei ding uh hi,’ ci-in Pasian in hong gen ka mu hi.

Johan 5:43

Kei in ka Pa’ min tawh kong pai hangin nong sang kei uh hi. Midang khatpeuh amahmah min tawh hong pai leh, na sang ding uh hi.

Johan 3:13

Vantungah om a, vantung pan hong kumsuk Mihing Tapa khat longal kuamah vantungah a kahto ngei kei hi.”

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Johan 3:12

Leitung thu kong gen ciangin na up kei leh, vantung thu kong gen hangin bangci up ding na hi hiam?

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.