Johan 20:9 - Tedim Bible

⁹ Bang hang hiam i cih leh, Zeisu in sihna pan thokik ding a cihna Lai Siangtho sungah a om thu a thei nai kei uh hi.

Tedim Bible Revision 2017

⁹ (Sihna panin thokik ding hi, ci-in Lai Siangtho in a genna thu a theithei nai lo uh ahi hi.)

Johan 20:9 Referans Kwoze

Late 16:10

Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Isaiah 25:8

Amah in sihna beimang sak ding a, maitang khempeuh panin khitui nul ding hi; leitung khempeuh panin ama mite a kizahkona lakhia ding hi; bang hang hiam cih leh Topa in hih thu gen zo hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

1 KORIN MASA 15:4

A kivui khit ciangin Lai Siangtho sungah a kigelh mah bangin, nithum ni-in a thokik hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Mattiu 22:29

Zeisu in, “Note in Lai Siangtho ahi zongin, Pasian vangliatna ahi zongin thei lo na hih uh ciangin, na um khial uh hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Johan 2:22

Tua ahih ciangin, sihna pan a thawhkik ciangin hih thute a nungzuite in phawkkik uh a, Lai Siangtho leh Zeisu thu a um uh hi.

Luka 9:45

Amaute in tua thu a thei kei uh a, a theih loh nadingun a kiseel hi. A cihnopna zong amaute in a dong ngam kei uh hi.

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

Sawltak 2:24

Ahih hangin sihna in tua pa lencip zo lo ahih ciangin Pasian in sihna gimna a sutkhiat khit ciangin, a hing kiksak hi.

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.