Johan 20:29 - Tedim Bible

²⁹ Zeisu in, “Nong muh man-inah um na hi hiam? Hong mu lo napi-in a um mite in thupha a ngah uh hi,” a ci hi.

Tedim Bible Revision 2017

²⁹ Jesu in, “Kei na hong muh khit ciang bekin hong um pan na hi hiam? Kei hong mu lo napi-in hong umte adingin lungdamhuai mahmah zaw ding hi,” a ci hi.

Johan 20:29 Referans Kwoze

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

2 KORIN NIHNA 5:7

Kote in mit’ muhna tawh hi loin, upna tawh ka nungta uh hi.

Hebru 11:1

Upna in lametnate telcianna hi a, a kimu nai lo nate theihtelna ahi hi.

Hebru 11:27

Kumpipa’ hehna lau loin upna tawh Izipt gam a taisan hi. Bang hang hiam na cih uh leh, mittang tawh kimu thei lo Pasian a mu zo bangin a lung kip hi.

Luka 1:45

Thu-um numei in thupha a ngah ding hi. Bang hang hiam na cih leh, tua numei kiangah Topa’ thugente hong tangtung ding hi,” ci-in aw lian tawh a gen hi.

Johan 4:48

Zeisu in, “Note in nalamdang leh lim na muh kei uh leh, na um kei ding uh hi.” a cih ciangin,

Johan 20:8

Tua lai takin, han a tung masa adang nungzuipa zong han sungah lut a, a muh ciangin a um hi.

Hebru 11:39

Tua mite khempeuh in upna tawh teci pan’na a ngah uh hangin kamciamna thu a ngah kei uh hi.

Mattiu 13:16

Note na mittang un mu thei ahih ciangin thupha na ngah ding uh hi. Na bil un khua za ahih ciangin, thupha na ngah ding uh hi.

Johan 20:28

Thomas in, “Ka Topa leh ka Pasian aw,” a cih ciangin,