Johan 2:11 - Tedim Bible

¹¹ Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Tedim Bible Revision 2017

¹¹ Jesu in nalamdang a bawl masak pen Galilee gam Kana khua ah hih bangin Pasianʼ pianzia a neihna kilangsak a, a nungzuite in zong amah a um uh hi.

Johan 2:11 Referans Kwoze

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 6:2

Cinate tungah a lamdang lim a lahna a mu mihonpite in a nung a zui uh hi.

Johan 6:30

Tua ahih ciangin, amau in, “Topa aw, kong muh uh a, kong up na’ngun nalamdang bang hong lak na hi hiam? Bang hong bawl ding na hi hiam?

Johan 6:26

Zeisu in, “Ke’n aman takpi kong cih-inah, note in nalamdang na muh manun kei hong zong na hi kei uh hi; khomun na ne uh a, na kham uh ciangin hong zong na hi uh hi.

Johan 6:14

Tua bangin Zeisu in nalamdang a bawl tua mite in a muh uh ciangin, “Hih pa in leitungah hong pai ding Pasian’ kamsangpa taktak ahi hi,” a ci uh hi.

Isaiah 40:5

Topa’ kam in gen khin ahih manin, Topa’ minthan’na hong kilang ding a, mi khempeuh in mu khawm ding uh hi,” a ci hi.

2 KORIN NIHNA 4:17

Bang hang hiam na cih uh leh, kote maitangah a kilangte in tawlkhat bek kip a,

Johan 14:13

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Johan 12:37

Tua zah nalamdang tampi amaute mai-ah a lah hangin, amau in a um kei uh hi.

Johan 2:23

Paisan pawi sung Jerusalem khua-ah a om lai takin, Zeisu in nalamdang a lahte mi tampi in a muh uh ciangin Zeisu a um uh hi.

Johan 1:50

Zeisu in, “Theikung nuai-ah nang kong mu hi ka cih manin hong um na hi hiam? Tua sang a lianzaw nate na mu ding hi.

Late 96:3

Ama minthan’na, minamte lakah gen un la, ama nalamdang septe, mi khempeuh lakah pulak un!

1 JOHAN MASA 5:13

Pasian’ Tapa’ min a um note in nuntak tawntungna na ngahna thu uh na theih nadingun, hih thute kong gelh zo hi.

Johan 4:46

Tui leenggahtui a suah sakna mun; Galile gam Kana khua-ah a paikik hi. Tua lai takin Kapernaum khua-ah upa khat’ tapa cina-in a om hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Thuhilh-sia 9:7

An ne-in lungdam in la, zu ne-in lungnuam in: na gamtatna peuhpeuh, Pasian in hoih a sa hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Thu-hilhkikna 5:24

note in, ‘En in, Topa i Pasian in eite tungah a minthan’na leh a liatna hong lak khin a, mei sung panin ama awging i za khin hi; Pasian in mi hopih napi, mi a hing lai veve-in tu ni-in i mu hi.

Paikhiatna 4:9

Amaute in hih lim nihte nangawn um loin na thu hong thudon kei leh, nangmah in Nail gun panin tui pawl khat la-in lei keu tangah na sung ding hi; Nail gun panin na lak ding tui in lei keu tungah sisan suak ding hi,” ci hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Johan 11:15

note in na up nadingun tuasan takah om lo ka hih ciangin ka lungdam hi. Ahih hangin tu-in ama kiangah va pai ni,” ci-in a tel gen hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Paikhiatna 14:31

Israelte in Izipt mite' tungah Topa’ bawl nasepna lianpi mu uh a, mite in Topa zahtak uh hi; amaute in Topa leh ama' nasem Moses um uh hi.

1 KUMPI MASATE 17:24

Numei in Elijah kiangah, “Nang in Pasian’ mi na hihna leh na kam sunga om Topa’ thu in thumanna ahihna tu-in ka thei hi,” a ci hi.

Johan 1:43

Zing ciangin Zeisu in Galile gamah pai ning ci a, Filip a muh ciangin, “Ka nung hong zui in,” a ci hi.

Johan 2:1

Ni nih khit ciangin, Galile gam Kana khua-ah mo la lawmvakna om a, Zeisu’ nu zong tua lai-ah a om hi.

Johan 4:3

Ahih hangin Zeisu in a baptaiz kei hi; a nungzuite in a baptaiz uh hi.

Johan 4:54

Hih nalamdang Zeisu in Judah gam panin Galile gamah hong tun’ khit ciangin a bawl nihveina ahi hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 9:16

Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.

Johan 10:41

Mi tampite a kiangah va pai uh a, “Johan in nalamdang a lah loh hangin hih mi thu Johan in a genna khempeuh a man hi,” a ci uh hi.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Johan 12:18

Tua theihsakna lim a bawlna mihonpite in a zak uh ciangin a dawn dingin a paikhia uh hi.

Johan 16:27

Bang hang hiam na cih uh leh, note in kei nong it uh a, Pa kiang pan kong pai hi cih um na hih uh ciangin, Pa in zong note hong it ding hi.

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.