Johan 19:35 - Tedim Bible

³⁵ Tua thu a mu mi in teci a pang hi. Ama teci pan’na thu aman hi. Note in na up theih nadingun ama genna thu aman hi ci-in a thei hi.

Tedim Bible Revision 2017

³⁵ (Note in na up theih nadingun hih thupiang a mu pa in ama muhna bang a hong gen ahi hi. Ama thugente a man thu hi a, a gen pa in a man taktak a gen ahihna thu zong a thei hi.)

Johan 19:35 Referans Kwoze

Johan 21:24

Hih thu khempeuh ading teci pang a, a gelhpa in tua nungzuipa ahi hi. Ama teci pan’na aman hi ci-in kote in ka thei uh hi.

Johan 15:27

Note in zong a cil pan akipan kei tawh omkhawm na hih uh ciangin, teci na pang ding uh hi.”

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Sawltak 10:39

Judah gam sung leh Jerusalem khuapi sungah a bawl na khempeuh’ teci ka hi uh hi. Amaute in amah singkhuam tungah khai-in a that uh hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

1 JOHAN MASA 5:13

Pasian’ Tapa’ min a um note in nuntak tawntungna na ngahna thu uh na theih nadingun, hih thute kong gelh zo hi.

Johan 19:26

Tua hi a, Zeisu in a nu leh a it nungzuipa a kianga ding a muh ciangin, “Numei aw, nang in na tapa en in!” a ci hi.

Johan 14:29

Tua thu a tun’ ciangin na up nadingun, hong tun’ ma-in kong genkhol zo hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 11:15

note in na up nadingun tuasan takah om lo ka hih ciangin ka lungdam hi. Ahih hangin tu-in ama kiangah va pai ni,” ci-in a tel gen hi.

3 JOHAN THUMNA 1:12

Mi khempeuh in Demetrias ading teci a hi uh hi. Thuman thutak in zong ama teci a hi hi. Ahi hi, kote in zong tua mi lamah teci ka pang uh hi. Kote teci pan’na thu in a man hi ci-in na thei hi.