Johan 19:31 - Tedim Bible

³¹ Tua ni in kigin ni ahih ciangin, Nipi ni-in a luang singlamteh tungah a om loh nadingin, Judah mite in Pilat kiangah a khe kuaitanin a luang a paihkhiat nading thu a va ngen uh hi. Bang hang hiam i cih leh, tua Nipi ni in ni lian mahmah ahi hi.

Tedim Bible Revision 2017

³¹ Tua ni pen Kigin ni hi a, a zing ciang Sabbath ni thupi diak ahih manin tua ni-in singlamteh tungah a luangte a om lai ding deih lo uh ahih ciangin Jerusalem khua-a Jew mi uliante, Pilat kiangah va pai-in a khete uh kuaitanin a luangte a lakkhiat nadingun a ngen uh hi.

Johan 19:31 Referans Kwoze

Johan 19:14

Tua lai takin, Paisan pawi kigin ni sun lai tak nai sawm leh nai nih ahi hi. Pilat in, Judah mite kiangah , “En un, note’ Kumpipa,” ci-a a gen ciangin

Johan 19:42

Judah mite kigin kholh ni nai ahih ciangin, tua hanah Zeisu a vui uh hi. Bang hang hiam i cih leh, tua han a nai hi.

Marka 15:42

Tua ni in Kigin ni, nino ni ahih ciangin nitak ciangin,

Joshua 8:29

Tua ciangin amah in nitak mateng sing khat tungah Ai kumpipa khai hi; ni a tum ciangin Joshua in thu pia a, amaute in sing tung panin a luang la sukin, khuapi kulh kongpi lutna-ah paai uh a, a tungah suangtum lompi ciang uh a, tu ni dongin tua suangcian om lai hi.

Johan 19:1

Tua lai takin Pilat in Zeisu a sap khit ciangin a satsak hi.

Micah 3:3

Ka mite’ sa na netum uh hi. A vun uh hawkin, a guh uh na satkham uh a, beel-a meh huan ding bangin na satnen gawp uh hi.

Paunak 12:10

Midikte in a gannote hoihtak don a, migilote in a gannote bawlsia hi.

Paikhiatna 12:16

A ni masa ni-in note in a siangtho kikhopna khat na nei ding uh a, a ni sagih ni-in zong a siangtho kikhopna khat mah na nei ding uh hi, tua sung tengin na bangmah kisem lo ding hi; ahih hangin na milip-un na huansa bek mah na ne thei ding uh hi.

Mattiu 27:62

Kigin-ni khit a zing ciangin, siampi liante leh Farisaite in Pilat mangpa kiangah kikhawm uh a,