Johan 19:28 - Tedim Bible

²⁸ Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Tedim Bible Revision 2017

²⁸ Tua hun ciangin Jesu in na khempeuh kicing ta hi, ci-in thei ahih manin Lai Siangtho sungah a kigelh thu a tun theih nadingin, “Ka dangtak hi,” a ci hi.

Johan 19:28 Referans Kwoze

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

Late 22:15

ka thahatna in leibeel phel bangin keu a, ka leii zong toncip hi; nangmah in sihna leivui sungah kei nong koih hi.

Johan 19:30

Tua hi a, Zeisu in tui a ngah khit ciangin, “A zo zo hi,” ci-a a lu su-in a si hi.

Luka 22:37

Ke’n kong cih-inah, ‘Amah mawhneite tawh a kisimkhawm ding hi,’ ci-in Lai Siangtho sungah a kigelhna thu in keima tungah hong tung ding hi. Bang hang hiam na cih uh leh, keima thu khempeuh in a tangtung ding hi,” a ci hi.

Johan 19:24

Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

Luka 18:31

Tua lai takin Zeisu in sawm-le-nihte sam a, “En un, eite Jerusalem khuapi ah i pai ding hi. Pasian’ kamsangte gelh kholhsa thu khempeuhte in Mihing Tapa tungah a tung ding hi.

Johan 18:4

Tua ahih ciangin Zeisu in ama tungah a piang ding thu khempeuh thei ahih ciangin paikhia a, “Note in kua zong na hi uh hiam?” ci-in a dong hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Sawltak 13:29

Ama thu a kigelhkhol a tun’sak khit uh ciangin singlamteh tung pan a lakhia uh a, han sungah a vui uh hi.

Luka 9:31

Zeisu tawh kihoin Jerusalem khuapi-ah sihna a thuak nading thu a gen uh hi.

Luka 12:50

Ahih hangin, baptaizna khat thuak ding ka nei hi. Tua baptaizna ka thuak matengin ka lungkim lo ding hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Johan 19:36

Bang hang hiam i cih leh, “A guh khat beek a kikuaitan kei ding hi,” ci-a Lai Siangtho sungah a gen bangin a tun’ nadingin hih teng a kibawl hi.