Johan 18:38 - Tedim Bible

³⁸ Pilat in, “Thuman thutak bang ahi hiam?” a ci hi. Tua thu a gen khit ciangin Judah mite kiangah paikhia a, “Hih mi tungah mawhna ka mu kei hi.

Tedim Bible Revision 2017

³⁸ Pilat in, “Thuman na cih bang ahi hiam?” ci-in a dong hi. Tua ciangin Jew mihonte kiangah Pilat va pai khiakikin amaute kiangah, “Ama khialhna bangmah ka mu kei hi.

Johan 18:38 Referans Kwoze

Johan 19:4

Pilat va paikhia kik a, “Hih mi tungah bangmah mawhna ka muh loh na theih nadingun note kiangah kong lakhia hi,” a ci hi.

Johan 19:6

Siampi liante leh upate in Zeisu a muh uh ciangin, “Singlamteh tungah that in! “Singlamteh tungah that in!” ci-in a kiko kik uh hi. Pilat in, “Nomau in amah la un la, singlamteh tungah that un. Ama tungah mawhna ka mu kei hi,” a ci hi.

Luka 23:4

Pilat in, “Hih pa tungah mawhna ka mu kei hi,” ci-in siampi liante leh mihonpite kiangah a gen hi.

Sawltak 17:32

Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

1 PETER MASA 1:19

hoih lohna om lo, a nin baang lo tuuno tawh kibang ahi Khazih’ manpha bel sisan tawh hong tankhia hi ci-in na thei un.

Marka 15:14

Pilat in, “Bang hang hiam? Amah in mawhna bang takhial ahi hiam?” ci-a a dot ciangin, “Singlamteh tungah that in,” ci-in nakpi-in a kiko uh hi.

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Johan 18:33

Pilat mang inn sungah a lut khit ciangin Zeisu sam a, “Nang Judah Kumpipa na hi hiam?” ci-in a dong hi.