Johan 18:37 - Tedim Bible

³⁷ Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Tedim Bible Revision 2017

³⁷ Tua ciangin Pilat in, “Tua ahihleh nang kumpi hi lo na hi hiam?” a cih leh Jesu in, “Kumpi hi, nangmah in na hong ci hi. Hih thuman a gen khia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 18:37 Referans Kwoze

Johan 8:47

Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

1 JOHAN MASA 4:6

Eite i hih leh, Pasian tawh i kipawl hi. Pasian a thei mite in eite thu a thei uh hi. Pasian tawh a kipawl lo mi in eite thu a ngai thei kei uh hi. Tua bangin thuman thutak kha leh zuau kha eite in i thei thei hi.

Johan 8:14

Zeisu in, “Keimah in kei ading teci ka pan’ hangin ka teci pan’na a man hi. Bang hang hiam na cih uh leh, keimah in koi lam pan hong pai a, koi lamah ka pai ding cih ka thei hi. Note in ahih leh, koi lam pan hong pai a, koi lamah ka pai ding cih na thei kei uh hi.

1 JOHAN MASA 3:19

Tua bangin i hih leh, thuman tawh kipawlin i om kithei-in, eima lungsim kimawhsakna bangmah om loin, a mai-ah lungnopna thu i ngah ding hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 TIMOTI MASA 6:13

Topa Zeisu Khazih hong kilat dongin nang in a nin baang loin mawhsak nading om loin, thupiakna na zuih nadingin na khempeuh a nungta sak Pasian mai-ah ahi zongin Pontias Pilat maiah pha takpi-a thuman teci a pang Khazih Zeisu mai-ah ahi zongin, keimah in nangma tungah thu kong pia hi.

Luka 23:3

Pilat in, “Nang Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Marka 15:2

Pilat in, “Nang Judah Kumpipa na hi hiam?” ci-in a dot ciangin Zeisu in, “Na cih mah bangin ka hi hi,” a ci hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Johan 3:32

A muhsa leh a zaksa thute teci a pang hi. Kuamah in ama teci pan’na thu a mang kei uh hi.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 27:11

Zeisu in mangpa mai-ah a din’ ciangin mangpa in, “Nang, Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

Luka 22:70

Amaute khempeuh in, “Tua ahih leh, Pasian’ Tapa na hi hiam?” ci-in a dong uh hi. Zeisu in, “Na gen bangun ka hi hi,” a ci hi.

Marka 14:62

Zeisu in, “Ka hi hi. Mihing Tapa in vangliatna ziatlam ah tu a, meii tungah hong kumsuk note in na mu ding uh hi,” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Johan 8:45

Thuman thutak ka gen ciangin ka thu na um kei uh hi.

Johan 8:46

Ka tungah mawhna a om hi ci-in note lakah kua in hong lak ahi hiam? Keimah in thuman thutak hilh ka hih leh, bang dingin kei hong um lo na hi uh hiam?

1 JOHAN MASA 2:21

Note in thuman thutak na thei loh manun lai hong gelh ka hi kei hi. Note in thuman thutak na thei uh ahi zongin, thuzuau khat beek in thuman tawh kipawl lo ahi zongin na theih manunah lai kong gelh hi.