Johan 18:33 - Tedim Bible

³³ Pilat mang inn sungah a lut khit ciangin Zeisu sam a, “Nang Judah Kumpipa na hi hiam?” ci-in a dong hi.

Tedim Bible Revision 2017

³³ Tua ciangin kumpi huang sungah Pilat ciahkik a, Jesu samin, “Nang Jew miteʼ kumpi na hi hiam?” ci-in a dot leh

Johan 18:33 Referans Kwoze

Johan 19:12

Tua a kipanin Pilat in Zeisu a khah nading a zong zaw hi. Ahih hangin Judah mite in, “Hih pa na khah leh, Kaisar kumpipa’ lawm na hi kei hi; Kaisar kumpipa’ gal ahi kumpipa-a kibawl tawm mi na hi hi,” a ci uh hi.

Johan 19:3

“Judahte’ Kumpipa aw, nang na ci dam ta hen!” ci-in khut tawh a beeng uh hi.

Johan 18:37

Pilat in, “Tua bang ahih leh, nang Kumpipa na hi hiam?” ci-in a dot ciangin Zeisu in, “Kumpipa na hi nong ci hi. Kei ka hih leh, thuman thutak ading teci pang dingin ah leitungah kong kum a, kong suak hi. Thuman thutak a deih mi khempeuh in keima’ aw a ngai uh hi,” ci-in a gen hi.

Johan 12:13

Tua ciangin nisuh hiang tawi-in Topa dawn dingin a paikhia uh a, “Hosanna, Pasian’ min tawh hong pai Israel Kumpipa in, Thupha ngah ta hen!” ci-in a kiko uh hi.

Marka 15:2

Pilat in, “Nang Judah Kumpipa na hi hiam?” ci-in a dot ciangin Zeisu in, “Na cih mah bangin ka hi hi,” a ci hi.

Mattiu 27:11

Zeisu in mangpa mai-ah a din’ ciangin mangpa in, “Nang, Judah Kumpipa na hi hiam?” ci-in a dot leh, Zeisu in, “Na cih mah bangin ka hi hi,” a ci hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

1 TIMOTI MASA 6:13

Topa Zeisu Khazih hong kilat dongin nang in a nin baang loin mawhsak nading om loin, thupiakna na zuih nadingin na khempeuh a nungta sak Pasian mai-ah ahi zongin Pontias Pilat maiah pha takpi-a thuman teci a pang Khazih Zeisu mai-ah ahi zongin, keimah in nangma tungah thu kong pia hi.

Johan 19:9

mang inn sungah lut kikin, “Nang koi pan hong piang na hi hiam?” ci-in a dot ciangin, Zeisu in kamkhat beek a dawng kei hi.

Johan 12:15

“Zion’ tanu aw, lau kei in; En in, na Kumpipa in, Lano tungah tuangin hong pai ding hi.” a ci hi.

Johan 1:49

Nathanael in, “Rabbi aw, nangmah in Pasian’ Tapa na hi hi. Israel mite’ kumpipa lah na hi hi,” a ci hi.

Zefaniah 3:15

Topa in na galte hong paihkhiatsak khin a, hong langpang khempeuh hong hawlkhiatsak khin hi. Topa ahi Israel Kumpipa in nang tawh hong om a, na lau nading thu om nawn lo hi.

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Mattiu 27:27

Tua lai takin mangpa’ galkapte in manginn tualah Zeisu paipih uh a, galkap khempeuh a kikhawmsak khit uh ciangin,

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Johan 18:34

Zeisu in, “Nangma ut bangin hih bangin hong dong na hi hiam? Ahih kei leh, midangte in keima thu hong gen zo ahi hiam?” ci-in a dawng hi.

Johan 18:38

Pilat in, “Thuman thutak bang ahi hiam?” a ci hi. Tua thu a gen khit ciangin Judah mite kiangah paikhia a, “Hih mi tungah mawhna ka mu kei hi.

Johan 19:4

Pilat va paikhia kik a, “Hih mi tungah bangmah mawhna ka muh loh na theih nadingun note kiangah kong lakhia hi,” a ci hi.