Johan 18:20 - Tedim Bible

²⁰ Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.

Tedim Bible Revision 2017

²⁰ Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 18:20 Referans Kwoze

Johan 7:26

En un, amah in a kilangin thu a hilh hangin kuamah in a kham kei hi. Hih pa in Khazih hi cih upa vaihawmte in a thei takpi uh hiam?

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Isaiah 48:16

Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)

Luka 21:37

Zeisu in ni simin biakna innpi sungah thu hilh a, nitak simin paikhia a, Oliv kici mualah a giak hi.

Johan 7:4

Bang hang hiam na cih leh, mite kiangah a kithei nuampa in a kilang lona sungah bangmah a hih kei hi. Hih nate na bawl leh, leitungah na pumpi na kilangsak in,” ci-in a gen uh hi.

Luka 4:15

Amaute kikhopna innah thu hilh a, mi khempeuh in amah a phat uh hi.

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Mattiu 9:35

Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

Johan 7:28

Tua ahih ciangin Zeisu in, “Note in kei nong thei uh hi. Ka pian’na lah nong thei uh hi. Ahih hangin keima ut bangin hong pai ka hi kei hi. Kei hong sawlpa in thuman thutak tawh a dim hi. Tua pa na thei kei uh hi.

Johan 7:14

Pawikhamna a kimkhat a bawl lai takun, Zeisu biakna innpi-ah paito-a thu a hilh hi.

Mattiu 26:65

Tua tak ciangin, Siampi ukpa in a puan balkeek a, “Hih mipa in Pasian tungah a pau khial zo hi. Adang bang teci deih lai i hi hiam? Pasian tungah ama paukhialhna thu na za zo uh hi.

Sawltak 26:26

Bang hang hiam na cih leh, kumpipa mai-ah ka gen ngam hih thute kumpipa in a thei hi. Hih thu a thei lo khat beek a om kei hi ci-in ka sin sungah ka um hi. Bang hang hiam na cih leh, hih thute a kilang lo-na munah kibawl ahi kei hi.

Mattiu 24:26

Tua ahih ciangin, amaute in, ‘Khazih gam lakah a om hi,’ hong cih uh hangin pai kei un. ‘Inndei sungah a om hi,’ hong cih uh hangin um kei un.

Late 40:9

Hotkhiatna lungdamna thu thak mi honpi lakah ka gen khin hi; en in, Topa aw, na theihsa bangin ka muk ka kham kei hi.

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi:

Marka 8:32

Tua thu im loin a gen khin hi. Piter in Zeisu samsim a, seel ding a kipat ciangin,

Johan 6:59

Kapernaum khua-ah kikhopna inn sungah Zeisu in a hilh lai takin hih thu teng a gen hi.

Johan 18:21

Bang dingin kei hong dong na hi hiam? Ka thu hong zate kiangah bang thu ka gen cih na dong in. Ka thugenna amaute in a thei ding uh hi,” ci-in a dawng hi.