Johan 17:3 - Tedim Bible

³ Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

Tedim Bible Revision 2017

³ Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Johan 17:3 Referans Kwoze

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 3:17

Bang hang hiam i cih leh, leitung mite’ thukhen dingin Pasian in a Tapa leitungah hong paisak kei hi. Leitung mite in amah hangin gupna a ngah nadingun a hong paisak hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

1 JOHAN MASA 4:6

Eite i hih leh, Pasian tawh i kipawl hi. Pasian a thei mite in eite thu a thei uh hi. Pasian tawh a kipawl lo mi in eite thu a ngai thei kei uh hi. Tua bangin thuman thutak kha leh zuau kha eite in i thei thei hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Johan 8:19

Tua hi-a amaute in, “Na Pa koi lai-ah om hiam?” ci-a a dot uh ciangin Zeisu in, “Note in kei nong theih kei uh leh, ka Pa zong na thei kei ding uh hi. Kei nong theih uh leh, ka Pa zong na thei ding uh hi,” a ci kik hi.

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Isaiah 48:16

Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Johan 7:29

Keimah in ka thei hi. Bang hang hiam na cih uh leh, ama kiang panin kong pai a, amah in kei hong sawl hi,” ci-in biakna innpi sungah a hilh lai takin a kiko hi.

Johan 6:57

A nungta Pa in hong sawl a, Pa hangin ka nuntak mah bangin, keimah hong nete in kei hangin a nungta ding hi.

2 KHANG TANGTHU NIHNATE 15:3

Hun saupi sung Israel in Pasian man tawh om lo, thu a hilh siampi tawh om lo, thukham tawh om lo hi;

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Marka 9:37

“Keima min tawh hih bang naupangno khat a ngai peuhmah in, kei zong hong ngai hi. Kei hong ngai peuhmah in, kei hong sawlpa zong a ngai hi,” ci-in a gen hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Paunak 8:35

Kei hong mu mipa in nuntakna a mu hi a, Topa’ mai-ah maipha ngah hi.

Johan 17:18

Nang in leitungah kei nong sawl mah bangin, amaute leitungah ka sawl hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

2 PETER NIHNA 1:2

Pasian leh i Topa Zeisu’ theihtel pilna hangin hehpihna thupha leh nopna in note tungah kicing takin om ta hen.

2 PETER NIHNA 1:3

Tua mah bangin ama minthan’na leh ama dikna tawh hong sam Pasian’ theihtel pilna hangin, eite nuntakna leh Pasian lamah nopsakna tawh kipawl na khempeuh ama vangliatna siangtho a hong pia zo hi.

2 PETER NIHNA 1:8

Bang hang hiam na cih uh leh, tua thupha teng note in nei-in na hauh uh leh, i Topa Zeisu Khazih’ theihtelna-ah thadah loh nading ahi zongin, a gah om lo mawkna ahih loh nading ahi zongin, hong bawlpha thei uh hi.

1 JOHAN MASA 1:2

Tua nuntakna hong kilang zo a, kote in zong ka mu zo uh a, Pa tawh omkhawm ngei-in, kote kiangah hong kilangsa tua nuntak tawntungna thu, note kiangah teci pangin kong hilh uh hi.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.