Johan 16:33 - Tedim Bible

³³ Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Tedim Bible Revision 2017

³³ Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 16:33 Referans Kwoze

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

1 JOHAN MASA 5:4

Bang hang hiam na cih uh leh, Pasian’ pian’sak peuhpeuh in leitung a zo thei hi. Eite upna in leitung zawhna ahi hi.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

1 PETER MASA 5:9

Leitung mun khempeuhah a om na u na naute un tua bang gimna thuakin a om uh hi ci-in thei un la, upna tawh kipin Dawimangpa na nial un.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

2 TIMOTI NIHNA 3:12

Ahi hi. Khazih Zeisu sungah kipin a nungta nuam mi khempeuhte in zong bawlsiatna a thuak ding uh hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

1 THESALONIKA MASA 3:7

ute naute aw, kote in lunghihmawhna khempeuh leh ko thuak gimna-ah note thu-upna uh hangin hehnepna ka ngah uh hi.

Mangmuhna 12:11

Amaute in Tuuno’ sisan hangin ahi zongin, amaute teci pan’ na hangin ahi zongin zoin, sihna thuak dongin a nuntakna uh haza lo uh hi.

Kolose 1:20

singlamteh tungah a buak sisan hangin gallemna piangsakin, leitung nate ahi zongin, vantung nate ahi zongin, na khempeuh in Tapa hangah Pasian tawh a kilem theih nading ahi zongin a deih hi.

2 KORIN NIHNA 1:3

Hehpihna Pa leh hehnepna apawl pawl khempeuh’ Pasian ahi, i Topa Zeisu Khazih’ Pa leh Pasian in thupha ngah ta hen.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

1 THESALONIKA MASA 3:4

Bang hang hiam na cih uh leh, eite in gimna i thuak ding hi ci-in note tawh ka omkhawm lai takun ka hong gen zo uh hi. Kong gen uh mah bangin zong a piang hi ci-in na thei uh hi.

Galati 6:14

Kei ka hih leh, eite Topa Zeisu Khazih’ singlamteh sim loh, bangmah dangah ka kisathei het kei ding hi. Tua singlamteh ah hih leitung in kei ading kikhenin a om hi. Keimah in zong leitung ading kikhenin ka om hi.

2 KORIN NIHNA 7:4

Note kiangah lau loin ka hong ci hi; note hangin ka kisathei mahmah hi. Hehnepna tawh ka dim hi. Ka thuakna uh gimna khempeuh ah a kigen thei loin ka lungdamzaw hi.

Sawltak 27:25

Tua ahih ciangin tote aw, lungnuamin om un. Bang hang hiam na cih uh leh, kei tungah thu hong piak bang ahih ding Pasian suangin ka om hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Galati 1:4

Tua Zeisu in Pasian’ deihna tawh kituakin a gilo ahi hih leitung pan eite hong gumkhia dingin ah eite khialhna ading ama pumpi kipia hi.

Sawltak 9:31

Tua ahih ciangin Judah gam, Galile gam, Samaria gam mun khempeuh ah pawlpite in lungkimin kipna a ngah uh hi. Pasian kihtakna leh Kha Siangtho huhna tawh omin a khang semsem uh hi.

Johan 12:31

Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Sawltak 27:22

Tu-in ahih leh, lungmang kei un. Bang hang hiam na cih uh leh, teembaw longal, kuamah a kisia kei ding hi.

Luka 19:38

“Pasian’ min tawh hong pai Kumpipa in thupha ngah ta hen; Vantungah nopna leh, A sang belna-ah minthan’na om ta hen,” ci-in a kiko uh hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Hebru 7:2

Abraham in a ngah sum khempeuh seh sawm suah seh khat khenin a piak, Salem Kumpipa ahi, Sang Bel Pasian’ Siampi Melkhizedek in, a min bulpi a khiatna pen dikna’ Kumpipa, tua tham loin, nopsakna’ Kumpipa a cihnopna, Salem Kumpipa hi a,

Johan 16:11

Hih leitung ukpa in thukhenna thuak zo ahih ciangin, thukhenna a pulak ding hi.”

Mattiu 9:2

Tua lai takin a khut a khe si mi khat a lupna tawh pua uh a, Zeisu kiangah a va paipih uh leh, Zeisu in amaute’ upna a theih ciangin, a khut leh khe sipa kiangah, “Ka ta aw, na lunghimawh kei in. Na mawhnate kimaisak zo hi,” a ci hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

2 KORIN NIHNA 4:7

Ahih hangin a lian mahmah vangliatna in ko kiang pan hi lo, Pasian kiang pan ahih nadingin tua sum leibeel sungah kiguangin kote in ka nei uh hi.

2 KORIN NIHNA 6:4

Bawlsiat thuakna, zawn’khal thuakna, a kipelh zo lo gimna thuakna,

1 JOHAN MASA 2:13

Pate aw, a cil panin a om mi na thei uh ahih ciangin, note kiangah lai kong gelh hi. Tangvalte aw, note in a gilopa na zo uh ahih ciangin, note kiangah lai kong gelh hi. Naupang neute aw, note in Pa na thei uh ahih ciangin, note kiangah lai kong gelh hi.

Thukhente 3:2

Israel mi tua khangte in gal dona a theihtheih nading, ni dangin a kithei ngei lo gal dona tua bang mite a hilh theih nading bek ahi hi.