Johan 16:19 - Tedim Bible

¹⁹ Amaute in a dot nop uh Zeisu in a theih ciangin, “Tawlkhat khit ciangin note in kei nong mu nawn kei ding uh hi. Tawlkhat khit ciangin, note in kei nong mu kik ding uh hi ka cihna thu note na kidong tek uh hiam?

Tedim Bible Revision 2017

¹⁹ Jesu in amauteʼ theihnop lamtak phawk ahih manin amaute kiangah, “Note khatlekhat na kidot uh, ‘Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,’ ka cihnopna a kidong na hi uh hiam?

Johan 16:19 Referans Kwoze

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.

Johan 16:16

“Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.

Johan 14:19

Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Mattiu 9:4

Zeisu in amau lungsim a theih ciangin, “Na sin sung uhah hoih lohna thu bang hangin ngaihsun na hi uh hiam?

Mattiu 6:8

Tuate tawh kibangin na hih kei un. Bang hang hiam na cih uh leh, na deihna khempeuh uh na nget ma un na Pa un a thei zo hi.

Marka 9:32

A nungzuite in tua thu a theih loh uh hangin a dong kik ngam kei uh hi.

Johan 6:61

Ahih hangin Zeisu in tua thu hangin ah a nungzuite in a phunpihna thu a sin sungah a theih ciangin, “Hih thu in note hong puksak hiam?

Johan 16:18

Tua ahih ciangin, “Tawlkhat khit ciangin,’ a cihna in bang ahi hiam? Bang a cihnopna hiam ka thei kei uh hi,” ci-in a gen uh hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Johan 16:26

Tua ni ciangin note in ka min suangin thu na ngen ding uh hi; note ading Pa kiangah ke’n ngen ning ka ci kei hi.