Johan 16:15 - Tedim Bible

¹⁵ Ka Pa’ neihsa khempeuh keima’ aa ahi hi. Tua ahih ciangin, keima’ aa la-in note kiangah a hong gen ding hi kong ci hi.”

Tedim Bible Revision 2017

¹⁵ Ka Paʼ neihsa khempeuh keima-aʼ suak khin ahih manin keima gen ding thute le a gen dingin ka sawl teng Kha Siangtho in note kiangah hong gen ding hi,” a ci hi.

Johan 16:15 Referans Kwoze

Johan 17:10

Ka neihsate khempeuh nangma’ aa ahi hi. Nangma neihsate khempeuh keima’ aa ahi hi. Amaute hangin minthan’na ka ngah hi.

Johan 3:35

Pasian in a Tapa it a, na khempeuh ama khut sungah a pia zo hi.

Mattiu 11:27

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa leh Tapa in a theihsak nopte longal kuamah in Pa a thei kei hi.

Kolose 1:19

Bang hang hiam na cih uh leh, a kicin’na khempeuh a Tapa sungah a kipsak nading ahi zongin,

Luka 10:22

Ka Pa in na khempeuh kei hong pia zo hi. Pa longal kuamah in Tapa a thei kei hi. Tapa mahmah leh Tapa in a theihsak nopte longal kuamah in Pa a thei kei hi.” a ci hi.

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Kolose 2:9

Bang hang hiam na cih uh leh, Pasian’ lim tawh a dim khempeuh in Khazih’ pum sungah kilangin a om hi.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Kolose 2:3

Tua Khazih sungah pilna sum, theihna sum a om khempeuh kiseelin om hi.

Johan 14:21

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.