Johan 16:10 - Tedim Bible

¹⁰ Pa kiangah kei ciah ding a, note in kei hong mu nawn lo ding na hih uh ciangin, sian’thona a pulak ding hi.

Tedim Bible Revision 2017

¹⁰ Pa kiangah pai ding ka hih manin kei na hong mu nawn kei ding uh hi, ka cihna thu a manna lak dinga,

Johan 16:10 Referans Kwoze

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Sawltak 3:14

Note in Mi Pha Mi Siangtho na nial uh a, mi thatpa khah nadingin na ngen uh a,

Galati 5:5

Bang hang hiam na cih uh leh, kote in upna tawh dikna ngah ding ci-in lamenin Kha Siangtho tung tawnin ngakin ka om uh hi.

ROM (Romans) 1:17

“Midikte in thu-upna tawh a nungta ding hi,” ci-in Lai Siangtho sungah a kigelh mah bangin, thu-up nadingin thu-upna tawh Pasian’ dikna a kilang zo hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Sawltak 2:32

Tua Zeisu Pasian in a thawhkiksakna thu kote khempeuh in teci ka hi uh hi.

Johan 5:32

Kei ading teci pang ding mi khat a om hi. Kei adinga ama teci pan’na thu in aman hi ci-in ka thei hi.

Johan 3:14

“Moses in gamlakah gul a khai bangin Mihing Tapa a kikhai ding hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Isaiah 42:21

Ama dikna a khual manin Topa in a thukham liansakin vanglian sak nuam hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Johan 16:5

Ahih hangin tu-inah kei hong sawlpa kiangah pai ding ka hih ciangin, ‘Koi lai-ah pai ding na hi hiam?’ ci-in note lakah kuamah in nong dong kei uh hi.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.