Johan 15:27 - Tedim Bible

²⁷ Note in zong a cil pan akipan kei tawh omkhawm na hih uh ciangin, teci na pang ding uh hi.”

Tedim Bible Revision 2017

²⁷ A kipat cil a kipanin kei tawh om khawm na hih manun note in zong keima thu na gen ding uh hi.

Johan 15:27 Referans Kwoze

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Johan 21:24

Hih thu khempeuh ading teci pang a, a gelhpa in tua nungzuipa ahi hi. Ama teci pan’na aman hi ci-in kote in ka thei uh hi.

Luka 24:48

Hih thute-ah teci na hi uh hi.

Sawltak 23:11

Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

Mangmuhna 1:2

Tua Johan in ama muhna khempeuh tawh kizomin Pasian’ thu ahi zongin, Zeisu Khazih’ teci pan’na thu ahi zongin teci a pang hi.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

Sawltak 13:31

Galile gam panin Jerusalem khua-ah nungzuite mai-ah ni tampi sung a kilang hi. Tua mite in mite mai-ah tu lai takin amah ading teci ahi uh hi.

Sawltak 4:33

Sawltakte in Topa Zeisu’ thawhkikna thu vangliatna tawh teci a pang uh a, amaute khempeuh in hehpihna thupha tampi a ngah uh hi.

Johan 19:35

Tua thu a mu mi in teci a pang hi. Ama teci pan’na thu aman hi. Note in na up theih nadingun ama genna thu aman hi ci-in a thei hi.

Sawltak 3:15

nuntakna hong pia Mangpa na that tazen uh hi! Ahih hangin Pasian in amah a thawhkiksak thu kote in teci ka hi uh hi.

Marka 1:1

Pasian’ Tapa Zeisu Khazih’ Lungdamna Thu a kipatna in hih bang hi.