Johan 15:25 - Tedim Bible

²⁵ Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Tedim Bible Revision 2017

²⁵ Amauteʼ Thukham sungah, ‘Thu om lopi-in kei hong mudah uh hi,’ ci-in a kigelhna thu a tun theih nadingin a hici mah ding ahi hi.

Johan 15:25 Referans Kwoze

Late 109:3

Amaute in muhdahna kamte pau-in kei hong gensia uh a, thu om lopi-in kei hong langpan’ uh hi.

Late 69:4

Thu omlopi-a kei hong mudah mi, ka lu tunga samzangte sangin tamzaw uh hi; kei hong susia ding, zuauthu tawh hong dote hat mahmah uh hi. Kei’ guk lohpi, ke’n loh ding ka hi hiam?

Late 35:19

A man lopi-a ka gal a hite kei tungah lungdamsak kei in la, thu om lopi-a kei hong mudahte, mit-heek kipiasak kei in.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

2 KORIN NIHNA 11:7

Note pahtawi nadingin keima pumpi ka niamsak a, thaman la loin note kiangah Pasian’ Lungdamna Thu kong gen kong hilh ciangin ka mawh hiam?

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

2 THESALONIKA NIHNA 3:8

A man pia loin kuama an ka ne kei uh hi. Note lakah kuamah tungah vangik ka suah loh nadingun gimpi-in hahkatin, sun tawh zan tawh na ka sem uh hi.

Galati 2:21

Pasian’ hehpihna thupha ka paaikhia kei hi. Bang hang hiam cih leh, thukham zuihna hangin dikkisakna kingah leh, Khazih in a mawkna-in sihna a thuak hi.

ROM (Romans) 3:24

Ahih hangin Zeisu Khazih in hong tan ahih maninah, a man pia loin Pasian’ hehpihna hangin dikkisakna i ngah hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Johan 10:34

Zeisu in, “Note in pasiante na hi uh hi ka ci hi,’ ci-in note’ Thukhamna lai sungah kigelh hilo ahi hiam?

Late 7:4

thu om lopi-in ka lawmte kheemin, ka galte ka huh tak leh,

Johan 19:36

Bang hang hiam i cih leh, “A guh khat beek a kikuaitan kei ding hi,” ci-a Lai Siangtho sungah a gen bangin a tun’ nadingin hih teng a kibawl hi.

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.