Johan 15:13 - Tedim Bible

¹³ Ama lawmte tangding a nuntakna a paai itna sangin, itna lianzaw kuamah in a nei kei hi.

Tedim Bible Revision 2017

¹³ Lawmteʼ tang ding sih ngamna sangin lawmte itna a lian zaw om nawn lo hi.

Johan 15:13 Referans Kwoze

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Johan 10:15

ka tuute ka thei a; ka tuute in zong kei hong thei uh hi. Keimah in zong tuute tangdingin ka nuntakna ka paai hi.

Luka 12:4

“Ka lawmte aw, note kong hilh-inah, pumpi a thah khit cianga bangmah ahih zo lo nate kihta kei un.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

1 JOHAN MASA 3:16

Khazih in eite tangding a nuntakna a paih maninah eite in itna i thei hi. Eite in zong ute naute tangding i nuntakna paih ding a kilawm hi.