Johan 15:12 - Tedim Bible

¹² “Ka thupiakna ahih leh, keimah in no kong it mah bangin note khat leh khat na ki-it un.

Tedim Bible Revision 2017

¹² “Note tungah ka hong piak thu in: Note ka hong it zahin note khatlekhat na ki-it un.

Johan 15:12 Referans Kwoze

1 JOHAN MASA 4:21

Pasian a it mi in a u a nau a it ding hi a cihna thupiakna kote in Khazih kiang pan ka ngah uh hi.

Johan 13:34

Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

1 PETER MASA 4:8

Hihna khempeuh tham loin, note in khat leh khat nakpi-in na ki-it un. Bang hang hiam na cih uh leh, ki-itna in mawhna tampi a seel hi.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

1 THESALONIKA MASA 4:9

Ute naute ki-itna thu ahih leh, note kiangah gelhin mi khatpeuh kong piak nading a om kei hi. Bang hang hiam na cih uh leh, note khat leh khat na ki-it nading uh Pasian’ hilhna a ngah mi na hi uh hi.

1 THESALONIKA MASA 3:12

Tua Topa in a misiangthote tawh a hong kumsuk khawm ciangin, eite Pa Pasian mai-ah Topa in amau lungsim sian’thona-ah mawhsak nading om loin, a kipsak nadingin, kote in note kong it uh mah bangin note khat leh khat ahi zongin, mi khempeuh ahi zongin na itin, ki-itna ah khangin na kicin’ nadingun Pasian in hong bawl ta hen.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Malakhi 1:2

Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau leh Jakob in unau hi a, ahi zongin Jakob leh a suan a khakte itin,

Johan 15:17

Hih in keima thupiakna ahi hi; Khat leh khat na ki-it un.”

2 JOHAN NIHNA 1:5

Tu-in Tonu aw, thupiakna thak hong gelh bang hi loin eite in a cil pan i neih pen mah hong gelhin, khat leh khat ki-it nadingin ka hong thuum hi.