Johan 14:9 - Tedim Bible

⁹ Zeisu in, “Filip aw, kei in note tawh hih tanvei ka omkhawm hangin hong thei lo na hi hiam? Kei hong mu mi in Pa zong a mu zo hi. ‘Pa hong lak in,’ bang hangin na ci hiam?

Tedim Bible Revision 2017

⁹ Jesu in, “Filip aw, hih tanvei om khawm khin napi kei hong thei nai lo lai na hi hiam? Kei a hong mu khinte in Pa a mu khin ahih manin bang hangin, ‘Pa hong lak in,’ ci thei na hi hiam?

Johan 14:9 Referans Kwoze

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Johan 12:45

Kei hong sawlpa zong a um hi. Kei hong mu mi in kei hong sawlpa zong a mu hi.

Johan 14:7

Note in kei nong theih uh leh, ka Pa zong na thei ding uh hi, tu-a kipanin ka Pa na mu zo uh hi,” a ci hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Filippi 2:6

Amah in Pasian’ lim leh meel tawh dimin a om napi-in, Pasian tawh kibatnate ka khah kei ding hi ci loin,

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Marka 9:19

Zeisu in, “Upna nei lo pawlte aw, kei in no tawh bang tanvei omkhawm ding ka hi hiam? Tua naupang ka kiangah hong paipih un,” a ci hi.

Luka 12:56

Mi simtatte aw, note in van leh lei maitang na khen thei uh hi. Tu lai tak hun bang hangin khen thei lo na hi uh hiam?”

1 KORIN MASA 15:12

Tu-in Khazih in sihna pan a thawhkikna thu a kihilh ciangin, “Misite thawhkikna a om kei hi,” ci-in note lakah mi kimkhat in bang hangin a ci uh hiam?

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Late 11:1

Topa ka bel hi; bangci-in ka tungah, “Vasa leeng bangin mual tungah tai-in,

Piancilna 26:9

Tua ahih ciangin Abimelek in Isaak samin, “En in, amah na zi hi; tua ahih ciangin bangci-in nang in, ‘Amah ka sanggamnu hi,’ ci thei na hi hiam? ci hi. Isaak in ama' kiangah, “Ama hangin si kha ding ka hih ciangin,’ ci-in ngaihsun ka hihna hang hi,” ci hi.

Johan 8:19

Tua hi-a amaute in, “Na Pa koi lai-ah om hiam?” ci-a a dot uh ciangin Zeisu in, “Note in kei nong theih kei uh leh, ka Pa zong na thei kei ding uh hi. Kei nong theih uh leh, ka Pa zong na thei ding uh hi,” a ci kik hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.