Johan 14:31 - Tedim Bible

³¹ Ahih hangin keimah in Pa’ hong thupiakna bangin ka hih a, Pa ka it cih leitung mite in a theihtheih nading ahi hi. Tho un, paikhia ni.”

Tedim Bible Revision 2017

³¹ Ahi zongin leitung mite in Pa Pasian ka itna thu a theih nadingun Paʼ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 14:31 Referans Kwoze

Johan 10:18

Ka nuntakna kuamah in hong sut kei hi, keima ut thu-in ka paai hi. Ka nuntakna paaikhia-a lakkik theih nading thu ka nei hi. Tua thu ka Pa in hong pia hi,” ci-in a gen hi.

Filippi 2:8

Tua bang lim tawh dimin kimu a, Sihna a thuak tham loin, singlamteh tungah a sih dongin, Thumang-in ama pumpi a kiniamsak hi.

Johan 12:49

Bang hang hiam na cih uh leh, ka ut bangin ka gen kei hi, kei hong sawl Pa kiang panin bangci gen ding, bangci hilh ding ci-in thupiakna ka ngah hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Luka 12:50

Ahih hangin, baptaizna khat thuak ding ka nei hi. Tua baptaizna ka thuak matengin ka lungkim lo ding hi.

Johan 15:9

Pa in kei hong it bangin no kong it hi; ka itna sungah om un.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Johan 18:11

Tua lai takin Zeisu in Piter kiangah, “Namsau a pai sungah siat kik in. Pa in kei hong piak hai dawn lo ding ka hi hiam?” ci-in a gen hi.

Johan 12:27

“Tu-in ka lungmang a, bang ka gen ding hiam! Pa aw, hih hun pan hong gum in ka ci ding hiam? Hi lo hi, hih thu hangin hih hun kong tung zo hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 26:46

Tho un, pai ni. Kei hong lehheekpa hong nai zo hi,” a ci hi.

Isaiah 50:5

Topa Pasian in ka bil hong honsak a, amah ka lehdo kei a, ka nungngat kei hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.