Johan 14:28 - Tedim Bible

²⁸ ‘Ka ciah hangin no kiangah kong paikik ding hi,’ ka cihna thu na za uh hi. Nong it uh leh, Pa kiangah ciah ding ka hih ciangin na nuam ding uh hi. Bang hang hiam na cih uh leh, kei sangin Pa a lianzaw hi.

Tedim Bible Revision 2017

²⁸ ‘Ka va paikhia dinga, ahi zongin note kiangah ka hong paikik ding hi,’ ka cihna thu na za khin uh hi. Kei sangin a lian zaw Pa Pasian kiangah a va pai ding ka hih manin kei na hong it nak uh leh ama kiangah ka paina hangin na nuam zaw ding uh hi.

Johan 14:28 Referans Kwoze

Johan 14:18

“Keimah in note tagahte bangin kong nusia kei ding a, note kiangah kong pai lai ding hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 13:16

Ke’n aman takpi kong cih-inah, sila in a topa sangin a lianzaw kei hi. Sawltak in a sawlpa sangin a lianzaw kei hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

1 KORIN MASA 11:3

Pasalte’ lu un Khazih ahi hi, numeite’ lu un pasal ahi hi, Khazih’ lu in Pasian ahi hi ci-in note in na theih nading uh ka deih hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 5:18

Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Late 68:18

Topa nangmah Pasian tua munah na om theih nadingin a sangna-ah kahto-in salte na paipih a, mite leh mi lehdote’ tung nangawn panin piakkhong nate na ngah hi.

Late 68:9

Pasian aw, na luah mite vulgawp ahih manin guah tampi zusakin na nosuak sak kik hi;

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.