Johan 14:27 - Tedim Bible

²⁷ Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Tedim Bible Revision 2017

²⁷ Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Johan 14:27 Referans Kwoze

Filippi 4:7

Tua bang na hih uh leh, kuamah in a tel zawh loh Pasian’ nopna in Khazih Zeisu sungah note lungsim uh leh na ngaihsutnate uh hong keem ding hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

Kolose 3:15

Note lungsim sung uhah Khazih’ nopna na uksak un. Tua bang deihna-in note in pum khat bek sungah hong sapna a ngah na hi uh hi. Hehpihna phatna lungsim na nei un.

2 TIMOTI NIHNA 1:7

Bang hang hiam cih leh, Pasian in eite launa lungsim hong pia ahi kei hi; vangliatna, itna leh ei-le-ei ki-uk zawhna Kha hong pia zo hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

Gamlak-vakna 6:26

Topa in note tungah ama maipha hong pia hen la, note nopsakna hong pia ta hen, ci-in thupha pia uh hen.

ROM (Romans) 8:6

Bang hang hiam na cih uh leh, ci leh sa lungsim in sihna tawh kituak hi. Kha Siangtho lungsim in nuntakna leh nopna tawh kituak hi.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Galati 1:3

I Pa Pasian leh Topa Khazih kiang pan hehpihna thupha leh nopna in nomau tungah om ta hen.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Late 29:11

Topa in a mite hatna pia ta hen! Topa in a mite nopna thupha pia ta hen!

ROM (Romans) 5:1

Tua ahih ciangin i upna tawh dikkisakna i ngah ahih ciangin eite Topa Zeisu Khazih hangin Pasian tawh i kilem hi.

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Late 112:7

Amah in thusia zak ding lau lo hi; Topa muang a, ama lungsim a kip hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Late 56:11

lunghihmawhna khat zong nei loin Pasian ka muang hi. Mi in kei bang hong cih thei ding ahi hiam?

Late 91:5

Nangmah in zan-a lauhuaina, sun-a thaltang leengte, khuamial lak-a a vak khiankhian pulnatna, sun nitaang-a suksiatnate na kihta kei ding hi.

Kolose 1:20

singlamteh tungah a buak sisan hangin gallemna piangsakin, leitung nate ahi zongin, vantung nate ahi zongin, na khempeuh in Tapa hangah Pasian tawh a kilem theih nading ahi zongin a deih hi.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Late 85:10

Itna kip leh thutakna kigawm ding a, thumanna leh kilemna kihual ding uh hi.

1 KORIN MASA 1:3

Topa Zeisu Khazih leh i Pa Pasian kiang panin hehpihna thupha leh nopna nomau tungah hong tung ta hen.

Late 56:3

Kei ka lau ciangin nangmah ka hong muang hi.

Johan 20:19

Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

2 THESALONIKA NIHNA 1:2

Pa Pasian leh Topa Zeisu Khazih kiang pan hehpihna thupha leh nopna in nomau tungah om ta hen.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Luka 2:14

“Van a sang belna-ah Pasian minthang ta hen. Leitung a deih mite tungah nopna om ta hen,” ci-in Pasian a phat uh hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Sawltak 18:9

Zan lai takin Topa in mang sungah Paul kiangah a gen-inah “Lau kei in. Pau loin om kei in, thu na gen ding hi.

Mattiu 10:26

“Tua ahih ciangin, amaute na kihta kei un. Bang hang hiam na cih uh leh, a kilak lo dinga kisincip bangmah om lo hi. A kithei lo dinga bu bangmah om lo hi.

Isaiah 55:12

“Bang hang hiam cih leh lungdamna tawh Babilon panin na paikhia ding uh a, nopsakna tawh hong kipaikhiatpih ding hi; note mai-a mual liante leh mual neute in lasa-in awng ding uh a, gamsunga sing khempeuh in a khut uh beeng ding uh hi.

Late 27:1

Topa in ka khuavak leh ka kihotkhiatna hi; kua zahtak ding ka hi hiam? Topa in ka nuntakna’ adingin mun muanhuai hi; bang laupih ding ka hi hiam?

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Hebru 7:2

Abraham in a ngah sum khempeuh seh sawm suah seh khat khenin a piak, Salem Kumpipa ahi, Sang Bel Pasian’ Siampi Melkhizedek in, a min bulpi a khiatna pen dikna’ Kumpipa, tua tham loin, nopsakna’ Kumpipa a cihnopna, Salem Kumpipa hi a,

Johan 20:26

Tua nung ni giat ni ciangin, a nungzuite inn sungah khatvei kikhawm kik uh a, Thomas zong a om hi. Kongkhakte a kikhak lai takin Zeisu zong hong pai a, amau laizang ah ding-a “Nopna na ngah ta un,” a ci hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Late 28:3

Amau lungsim sungah siatna om hi napi a vengte tawh kilemna thu a gen khem, siatna bawlte, migilote tawh kei hong lakhia khawm kei in.

Daniel 4:1

Nebukhadnezzar kumpipa in leitunga om minam kimte, minam tuamtuamte, paunam tuamtuamte khempeuh tungah a nuai-a thute a khak hi: “Note tungah nopna om ta hen!

Paunak 3:25

Migilote tungah huihpi bangin siatna a tun’ ciangin, nang na lunghihmawh nading om lo ding hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Galati 6:16

Hih ngeina a zui mi khempeuh tungah ahi zongin, Pasian’ Israel mi pawlte tungah ahi zongin nopna leh hehpihna om ta hen.

Luka 10:5

Inn khatpeuh mah na lut uh ciangin, ‘Hih inn sungah thupha om ta hen,’ ci-in a masa-in na gen un.

Zekhariah 6:13

Amah in Topa’ biakinn a lam dingpa hi a, kumpite’ ngah theih minliatna ngahin, ama mite uk ding hi. Ama kumpi tokhom gei-ah siampi khat om ding a, kithutuakin kilemin na semkhawm ding uh hi,” ci hi,’ va ci in.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Late 72:7

Ama hun sungin thumanna pung hen la, khapi a bei mateng nopna om ta hen!

Luka 12:4

“Ka lawmte aw, note kong hilh-inah, pumpi a thah khit cianga bangmah ahih zo lo nate kihta kei un.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Daniel 6:25

Tua ciangin Darias kumpipa in leitunga om minam kimte, minam tuamtuamte leh paunam tuamtuamte khempeuh tungah lai khak a: “Na tung uhah nopsakna om ta hen.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Late 11:1

Topa ka bel hi; bangci-in ka tungah, “Vasa leeng bangin mual tungah tai-in,

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

Kah la 3:17

Lungnopna, cidamna, kipahna cihte bang ahi hiam cih mel ka thei nawn kei hi.

Late 72:2

Amah in thumanna tawh na mite tungah thu khen hen la, na mizawngte’ tungah thutan’na tawh thu khen ta hen.

2 KHANG TANGTHU NIHNATE 20:30

Tua ahih ciangin Jehoshafat’ ukna gam sung gamdai hi; bang hang hiam cih leh a Pasian in ama kiimah galdaihna pia hi.