Biblia Todo Logo
Bib sou entènèt

- Piblisite -




Johan 14:20 - Tedim Bible

20 Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Gade chapit la Kopi

Tedim Bible Revision 2017

20 Tua hun ciangin Pa sungah kei ka omna thu le note sungah ka hong om mah bangin keima sungah na omna thu uh na thei ding uh hi.

Gade chapit la Kopi




Johan 14:20
24 Referans Kwoze  

Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.


Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.


Cikmah hunin kuamah in Pasian a mu ngei kei hi. Eite khat leh khat i ki-it leh, Pasian in eite sungah om a, ama itna eite sungah hong kicing hi.


Pa sungah ka om a, kei sungah Pa a om cih um lo na hi hiam? Note kiangah kong gen thu in keima thu hong hilh ka hi kei hi. Kei sunga teeng ka Pa in na hong sem ahi hi.


Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.


Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.


Note in thu-upna sungah kipin na om uh hiam, na om kei uh hiam, nomau pumpi uh na kisittel ciat un. Nomau pumpi uh na kize-et un. A kisittel zo lote na hih kei uh leh, Zeisu Khazih in note sungah a om hi ci-in nomau thu nomau in thei lo na hi uh hiam?


Gentailte lakah hih thu thukpi tawh kipawl alianpi nopsakna bang zahin lian ci-in misiangthote in a theih nadingin Pasian in a deih hi. Tua thu thukpi in: vanglian lametna thu ahi, note sungah a om Khazih ahi hi.


Tua ni ciangin note in ka min suangin thu na ngen ding uh hi; note ading Pa kiangah ke’n ngen ning ka ci kei hi.


Bang hang hiam na cih uh leh, Pasian’ lim tawh a dim khempeuh in Khazih’ pum sungah kilangin a om hi.


Bang hang hiam na cih uh leh, a kicin’na khempeuh a Tapa sungah a kipsak nading ahi zongin,


Ka sa ne a, ka si a dawnte in kei sungah om a, ama sungah kei ka om ding hi.


Tua ahih ciangin Khazih sungah a om mi in mithak a suak hi. Alui nate kikheel a, athak a piang zo hi.


Tu-a kipanin leitungah ka om kei ding hi. Hih mite in leitungah a om lai ding uh hi. Nangma kiangah kei kong pai ding hi. A siangtho Pa aw, nang leh kei in pumkhat i hih mah bangin, amaute zong pumkhat a suah nadingun kei nong piaksa mite nangma min tawh kipsak in.


Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.


Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.


Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.


Tu-in kei na hong piakte khempeuh in nangma’ aa ahi hi cih amaute in a thei uh hi.


Tuma kum sawm leh li lai takin Khazih sungah a om mi khat, thumna vantung dongin a paipih ka thei hi. Ama pumpi tonpih hiam, tonpih lo hiam ka thei kei hi—Pasian in a thei hi.


Tua thu in, Pasian in Khazih sungah om a, leitungmite’ mawhna ciamteh loin amah tawh kilemsak a, tua kilemsakna thu kote hong pia hi.


Kei tawh thongkia khawm, keima behte ahi Andronikas leh Junias zong na hopihsak un. Amaute in sawltak lakah maiphatna a ngah mi ahi uh a, kei mai-ah Khazih’ sunga om mite ahi uh hi.


Pa sungah ka om a, Pa in kei sungah a om thu hong um in. Ahih kei leh zong ka bawl nalamdangte’ thu ngaihsunin hong um un.”


Swiv nou:

Piblisite


Piblisite