Johan 14:18 - Tedim Bible

¹⁸ “Keimah in note tagahte bangin kong nusia kei ding a, note kiangah kong pai lai ding hi.

Tedim Bible Revision 2017

¹⁸ “Note a cimawh dingin ka hong nusia kei ding hi. Note kiangah ka hong paikik ding hi.

Johan 14:18 Referans Kwoze

Johan 14:3

Pai-in na om nading uh ka bawl leh, no kiangah kong paikik ding a; ka omna munah na om nadingun ka hong la ding hi.

Late 23:4

Sihna lim guam sung nangawn ka nawk hangin, siatna ka kihta kei hi. Bang hang hiam cih leh kei tawh nang nong omkhawm hi. Na molhtum leh na ciangkhut in kei hong lungmuang sak hi.

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Hebru 2:18

Bang hang hiam i cih leh, amahmah in ze-etna thuakin gimna thuak ngei zo ahih ciangin ze-etna a thuakte a huh nadingin a siam hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Late 101:2

Paubaan’na a om lo thu bek ka kin ding hi. Cik ciangin kei kiangah nang hong pai ding na hi hiam? Lungsim hoihna tawh ka inn sungah ka gamta ding hi;

2 THESALONIKA NIHNA 2:16

I Topa Zeisu Khazih mahmah leh, eite hong it-a hong hehnep tawntungna thu ahi zongin, hehpihna thupha tawh apha lametna ahi zongin a hong pia, i Pa Pasian in,

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Kah la 5:3

Ka pate uh gal in hong thahsak khin a, ka nute uh a meigong khin uh hi.

Johan 16:16

“Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.