Johan 14:13 - Tedim Bible

¹³ Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

Tedim Bible Revision 2017

¹³ Tapaʼ hangin Pasianʼ pianzia a kilat theih nadingin keima min paulamin na hong nget khempeuh uh kong pia ding hi.

Johan 14:13 Referans Kwoze

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Marka 11:24

Tua ahih ciangin, ke’n kong cih-inah thu ngen a, na nget khempeuh uh ngah ding cih na up uh leh, na ngah ding uh hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

1 JOHAN MASA 5:14

Ama mai-ah eite in i ngah lau loh nading thu in, ama deihna bangin na khempeuh thuumin i nget leh, a hong ngaih nading thu ahi hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 14:14

Kei min suangin na nget peuhmah uh kong hih ding hi.”

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Filippi 4:13

Hong thahatsakpa Khazih hangin na khempeuh ka hih thei hi.

Jeim 1:5

Note lakah khatpeuh peuh in lungpilna a deih leh, kosiatna a nei lo, mi khempeuh a kigen thei lo-a a pia nuam Pasian kiangah thungen ta hen. A nget leh a ngah ding hi.

Efesa 3:12

Tua Topa Zeisu sungah upna hangin eite lungkimin, lau lohna lungsim nei-in, Pasian kiangah tum theihna i ngah hi.

Johan 16:26

Tua ni ciangin note in ka min suangin thu na ngen ding uh hi; note ading Pa kiangah ke’n ngen ning ka ci kei hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 12:44

Zeisu in, “Kei hong um mi in kei bek hong um kei hi.

Luka 11:9

“Khatvei ka cih-inah, ngen un. Na nget uh leh, hong pia ding hi. Zong un, Na zon’ uh leh, na mu ding uh hi. Kongkhak kiu un. Na kiuh uh leh, hong kihon’ ding hi.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Efesa 3:14

Tua ahih ciangin vantung leitungah a om mi khempeuhte’ pianna, Pa Pasian mai-ah khukdin’in thungenin ka om hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 13:31

Tua ahih ciangin Judas a paikhiat khit ciangin Zeisu in, “Tu-in Mihing Tapa kiminthangsak a, ama sungah Pasian a kiminthangsak ding hi.

1 KORIN MASA 14:13

Tua ahih ciangin pau namtuam a gen mi in a khiatna zong a gen theih nadingin thu ngen hen.