Johan 13:4 - Tedim Bible

⁴ Zeisu ding a, a puanza suahin dial tawh a kawng a gak hi.

Tedim Bible Revision 2017

⁴ Tua ahih manin a annekna sabuai panin Jesu ding khia-in a puan tungsilh suah khia a, a kawng ah a mainulpi a teeng hi.

Johan 13:4 Referans Kwoze

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Luka 22:27

Kua lianzaw hiam: sabuai ah tupa lianzaw hiam? Nasempa lianzaw hiam? Sabuai ah a tupa lianzaw hilo ahi hiam? ahih hangin note lakah nasempa mah bangin ka om hi.

Luka 12:37

Topa hong ciah ciangin, ngakin a om nasemte in thupha a ngah ding uh hi. Ke’n aman takpi kong cih-inah, topa in a kawng gakin tua naseemte an ne dingin tusak a, hong pai-in amaute a vak ding hi.

Luka 17:7

“Note in nasem khat nei-in, lo kuanin ahi zongin, tuu cingin ahi zongin hong ciah ciangin ama kiangah, ‘Thakhatin hong pai in la, an nekna sabuai ah hong tu in,’ a ci ding no lakah kua ahi hiam?

2 KUMPI NIHNATE 3:11

Tua ciangin Jehoshafat in, “Ama tung tawnin Topa tungah thu i dot theih nadingin hih lai-ah Topa’ kamsang om lo ahi hiam?” a ci hi. Tua ciangin Israel kumpipa’ nasemte khat in dawngin, “Elijah’ khut, tui a buak zel, Shafat’ tapa Elisha om hi,” a ci hi.

Luka 17:8

‘Keima an nek ding hong bawl in; an ka nek tui ka dawn khit matengin kawnggak in la, an hong pia in. Tua nung ciangin nangin an ne-in tui na dawn ding hi,’ ci-in nasempa kiangah gen ding hilo ahi hiam?

Johan 13:12

Tua bangin amau khe a sil khit ciangin a puan silh a, a tut khit ciangin, “Tu-a note tungah kong bawlna thu na thei uh hiam?

1 JOHAN MASA 3:11

Note in a cil panin na zak uh thu in, Dawimangpa tawh a kipawl a nau a that Kain bang hi loin eite khat leh khat ki-it ding ci-in hong kigen hi.