Johan 13:34 - Tedim Bible

³⁴ Thupiakna thak kong pia hi: Note khat leh khat na ki-it un la, keimah in note kong it mah bangin khat leh khat na ki-it un.

Tedim Bible Revision 2017

³⁴ Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Johan 13:34 Referans Kwoze

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Johan 15:17

Hih in keima thupiakna ahi hi; Khat leh khat na ki-it un.”

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

1 JOHAN MASA 3:23

Ama thupiakna in a Tapa Zeisu Khazih’ min eite in umin, ama hong piaksa thu bangin khat leh khat ki-it nading ahi hi.

1 JOHAN MASA 4:21

Pasian a it mi in a u a nau a it ding hi a cihna thupiakna kote in Khazih kiang pan ka ngah uh hi.

Jeim 2:8

“Na pumpi na it bangin na lawmte na it in,” a kici Thukham na zuih uh leh, a pha in na gamta zo uh hi.

1 THESALONIKA MASA 3:12

Tua Topa in a misiangthote tawh a hong kumsuk khawm ciangin, eite Pa Pasian mai-ah Topa in amau lungsim sian’thona-ah mawhsak nading om loin, a kipsak nadingin, kote in note kong it uh mah bangin note khat leh khat ahi zongin, mi khempeuh ahi zongin na itin, ki-itna ah khangin na kicin’ nadingun Pasian in hong bawl ta hen.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

2 JOHAN NIHNA 1:5

Tu-in Tonu aw, thupiakna thak hong gelh bang hi loin eite in a cil pan i neih pen mah hong gelhin, khat leh khat ki-it nadingin ka hong thuum hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

1 JOHAN MASA 3:11

Note in a cil panin na zak uh thu in, Dawimangpa tawh a kipawl a nau a that Kain bang hi loin eite khat leh khat ki-it ding ci-in hong kigen hi.

Siampi Laibu 19:34

Note lakah a hong peem khual mite tual sung mi mah bangin na ngaihsun ding uh a, nomau mah bangin amah na it ding uh hi; bang hang hiam cih leh note in Izipt gam sungah khualmi na hi ngei uh hi: keimah in Topa na Pasian uh ka hi hi.

Hebru 13:1

Ute naute ki-itna kip ta hen.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

2 PETER NIHNA 1:7

Pasian biakna lamah nopsakna tungah ki-unau itna, ki-unau itna tungah ki-itna hahkat mahmahin na koih thuap un.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Late 119:63

Kei pen, nangma thuhilhte a zui a, nangmah a hong zahtak khempeuhte’ kikholhpih ka hi hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

ROM (Romans) 13:8

Khat leh khat ki-itna longal bangmah na kibasak kei un. A lawmte a it mi in Thukham a zui khin zo hi.

ROM (Romans) 13:10

Itna in lawmte a siasak thei kei hi. Tua ahih ciangin itna in thukham zuihna thu kicin’na ahi hi.