Johan 13:21 - Tedim Bible

²¹ Tua bangin Zeisu in a gen khit ciangin, a lungmang mahmah a, “Note khat in hong lehheek ding hi,” ci-in a tel gen hi.

Tedim Bible Revision 2017

²¹ Jesu in hih thu teng a gen khit ciangin lungkham mahmah ahih manin, “A mantakin ci lehang, note khat in kei nong lehhek ding uh hi,” ci-in a kilangin a gen khia hi.

Johan 13:21 Referans Kwoze

Mattiu 26:21

An a nek lai takun Zeisu in, “Ke’n aman takpi kong cih-inah, note lakah khat in kei hong lehheek ding hi,” a ci hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Marka 14:18

Tu-a an a nek lai takun Zeisu in, “Ke’n aman takpi kong cih-inah, note lakah kei tawh an a ne khawm khat in kei hong lehheek ding hi,” a ci hi.

Johan 12:27

“Tu-in ka lungmang a, bang ka gen ding hiam! Pa aw, hih hun pan hong gum in ka ci ding hiam? Hi lo hi, hih thu hangin hih hun kong tung zo hi.

Johan 11:33

Mari akipan amah tawh hong paikhawm Judah mite a kap uh Zeisu in a muh ciangin, a sin sungah khuisa-a lungmangin,

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Sawltak 17:16

Paul in Athen khua-ah Silas leh Timoti ngakin a om lai takin, khua sungah milim a dim a om a muh ciangin a lungmang hi.

Johan 13:2

Dawimangpa in Simon’ tapa Judas Iskariot sungah Zeisu a lehheek nadingin lungsim a guan’ khit ciangin; nitak an a nek lai takun,

Johan 11:38

Tua ciangin Zeisu in a sungah khuisa kawmin hanah a pai hi. Tua han in leihawm hi a, suang tawh a kisin hi.

Johan 11:35

Zeisu a kap hi.

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Mattiu 26:38

Tua ciangin Zeisu in, “Si dek takin ka dah hi. Hih san takah kei tawh ngak un,” ci-in thu a pia hi.

Johan 13:22

Kua a cihna hiam ci-in a nungzuite kimuangmawh ciatin, khat leh khat a ki-en uh hi.