Johan 13:13 - Tedim Bible

¹³ Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Tedim Bible Revision 2017

¹³ Note in kei pen Siapa le Topa, na hong ci uh hi. Na hong cih uh mah bangin a man ka hi hi.

Johan 13:13 Referans Kwoze

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

1 KORIN MASA 12:3

Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.

Johan 11:28

Tua bang a cih khit ciangin Martha ciah a, a sanggamnu kiangah, “Sia hong tung zo a, nang hong sam hi,” ci-in a ko sim hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

Luka 10:28

Zeisu in, “Na dawn’na thu ahi takpi hi. Tua bangin na hih leh, na nungta ding hi.” a ci hi.

Luka 7:43

Simon in, “A maisakna tam zaw a ngah mi in it zaw-in ka um hi,” a ci hi. Zeisu in, “Na up bang a man hi,” ci-in a gen hi.

Jeremiah 1:12

Tua ciangin Topa in, “Na maan hi; bang hang hiam cih leh ka thu gente ka tangtun’ sak nadingin kei zong ka ngak hi,” hong ci hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Johan 11:2

Cinapa Lazaras’ sanggamnu Mari in Zeisu’ khe sathau nuh a, a sam tawh a nulsaknu hi.

Johan 11:3

Tua hi a, a sanggamnute in Zeisu kiangah mi sawl uh a, “Topa aw, na itpa cina-in a om hi,” ci-in a ko uh hi.

Efesa 6:9

Tote aw, tawn’na om loin na silate uh tungah tua bangin na bawl un. No leh amau Topa in vantungah om a, amah in kuama maitang zahtak lo hi cih na thei un.