Johan 12:37 - Tedim Bible

³⁷ Tua zah nalamdang tampi amaute mai-ah a lah hangin, amau in a um kei uh hi.

Tedim Bible Revision 2017

³⁷ Amauteʼ muhin Jesu in hih nalamdang khempeuh a bawl hangin amaute in um lo uh hi.

Johan 12:37 Referans Kwoze

Luka 16:31

Abraham in, ‘Tuate in Moses’ thu leh Pasian’ kamsangte’ thu a ngaih kei uh leh, mi khat in sihna pan a hingkik zongin a taksang kei ding uh hi,’ a ci hi,” ci-in Zeisu in a gen hi.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Mattiu 11:20

Tua khit ciangin vangliatna tampi a lahna khuate in, a mawhna kisik kik lo uh ahih ciangin Zeisu in a mawhsakinah,

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

Johan 6:2

Cinate tungah a lamdang lim a lahna a mu mihonpite in a nung a zui uh hi.

Johan 12:36

“Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

Johan 12:38

Bang hang hiam i cih leh, Pasian’ kamsangpa Isaiah hilhna thu a tun’ nading hi. Tua thu in: “Topa aw, ka genna thu uh kua in hong um ahi hiam? Pasian’ khut kua kiangah kilang ahi hiam?” a ci hi.